SpaceX basshysy Ilon Mask NASA-daǵy transliatsiia barysynda ishinde ushqyshy bar Crew Dragon korabliniń ǵaryshqa ushyrylýyn «adamdardyń mýltiplanetalyq túrge ainalýy baǵytynda jasalǵan birinshi qadamy» dep baǵalady.
Bul korabldi adam jasady jáne adamdar úshin jasady. «Men dál osy sátterde basymyzdan ótip jatqan oqiǵany adamzat maqtanysh etedi dep oilaimyn», - degen ol Crew Dragon-niń ushyrylýy kóńili zertteýshilikke buratyn árbir adamdy bei-jai qaldyrmaityndyǵyn jetkizdi. Ilon Mask óziniń erekshe sezimde ekenin jasyrmady.
Sonymen qatar ol «jeńisti» jariialaýǵa áli erte ekenin málimdedi. Endi SpaceX aldynda astronavtardy Jerge aman-esen qondyrý mindeti tur. Sonan keiin mundai ushýlardy jiiletý qajet.
SpaceX iesi ózine qoiylǵan suraqtarǵa jaýap berdi. «Aiǵa qarai ushý bola ma jáne ol qashan bolady?», - degen suraqqa: «Men mundai sapardyń eki jyldan keiin júzege asýyn qalar edim, biraq ol is júzinde tórt jyldan keiin de oryndalýy múmkin», - dep jaýap berdi.
