Tesla jáne SpaceX kompaniialaryn basqaratyn amerikandyq kásipker Ilon Mask Forbes jýrnalynyń nusqasy boiynsha alǵash ret ǵalamshardaǵy eń bai adamdar «ondyǵyna» kirdi, dep habarlaidy "Ult aqparat" atalmysh basylymnyń saityna silteme jasap.
Qazirgi kezde Masktiń dáýleti 70,8 mlrd dollarǵa baǵalanyp otyr. Forbes onyń bailyǵynyń ósýi kóbine Tesla aktsiialary baǵasynyń kúrt kóterilýine bailanysty ekenin atap ótti.
NASDAQ elektrondy birjasynyń saitynda jariialanǵan málimetter boiynsha, naýryz aiynyń ortasynda kompaniianyń bir aktsiiasynyń baǵasy 400 dollardan aspaǵan bolsa, sársenbi kúni saýda jabylar kezde ol tipti 1541 dollardan da joǵary.
Qazirgi ýaqytta Forbes Maskti ǵalamshardyń eń bai adamdar tiziminde segizinshi orynǵa qoiyp otyr. Tizimde toǵyzynshy oryndy dáýleti 68,5 mlrd dollardy qurap otyrǵan úndilik Reliance Industries holdinginiń basshysy Mýkesh Ambani enshilese, «ondyqty» Google kompaiasynyń negizin qalaýshylardyń biri Larri Peidj (67,7 mlrd dollar) túiindedi.
