Iliias Jansúgirovtiń «Qulager» poemasy aǵylshyn tilinde jaryq kórdi. Bul týraly Feisbýkte Qaldygúl Janybaeva jazdy, dep habarlaidy "Ult aqparat".
«Qazaqtyń taǵy bir uly týyndysy jahandaný zamanyna sapar shekti. Iliias Jansúgirovtyń uly shyǵarmasy - «Qulager» poemasy aǵylshyn tilinde jaryq kórdi. Aǵylshyn tilindegi basylymǵa uiytqy bolǵan Janar Jandosovany, aýdarmashy Belindany, aqynnyń ómiri men shyǵarmashylyǵyna tereń taldaý jasap, alǵysóz jazǵan Zifa Áýezovany, kitapty rýhyn qazaqsha, formasyn eýropasha bezendirgen Dáýren Qasteevti quttyqtaimyz!
Kóne Qurlyqqa saparyń oń bolsyn, «Qulager» dastan!», - dep jazdy Qaldygúl Janybaeva.
Eske sala ketsek, 2016 jyly poema nemis tiline qazaqsha túpnusqasynan tikelei aýdarylyp, Qazaqstan-Giote institýtynyń qoldaýymen «Büchergilde» (Germaniia) baspasynda basylyp shyqqan bolatyn.
