Foto: Evgenii Mýhamedjanov/facebook.com
Ile Alataýy ulttyq parkiniń ormanshysyn jol talǵamaityn kólikpen kelgen belgisiz adamdar uryp-soqqan, - dep habarlaidy Tengritravel.kz.
"29 qyrkúiekte saǵat 19:15 shamasynda Ile Alataýy ulttyq parkiniń aýmaǵynda Kamenskii ormanshylyǵynda "Aqqaiyń" shatqalynda "Dymqyl kilt" shatqalyna barar jolda belgisiz tulǵalar 30 jastaǵy inspektor Damir Qýatbekovke shabýyl jasady", - dedi Ile Alataýy MUTP ákimshiligindegiler.
Ormanshy Toyota Land Cruiser 105 (qara tústi "Raptor" boiaýy) kóligimen belgisiz tórt adam arqandy tartqyshqa bailap, "Dymqyl kilt" shatqalyna tosqaýyldy buzýǵa tyrysqanyn kóredi. Inspektor ózin park qyzmetkeri retinde tanystyryp, qyzmettik kýáligin kórsetken.
"Trosty shlagbaýmnan julyp alǵan adam kóliktiń artqy jaǵyna otyrady. Keiin júrgizýshi men jolaýshy kólikten shyqqan. Jolaýshy inspektordy ura bastaidy. Qýatbekov shabýyldaýshylarmen kúrese bastady, sodan keiin kóliktiń artqy jaǵynan taǵy bir shabýyldaýshy júgirip shyǵyp, Qýatbekovti beisbol taiaǵymen úsh ret urady. Soqqynyń bireýi ormanshynyń basyna tiip, ol qulaidy jáne 30 minýtqa esinen tanyp qalady", - dep habarlady MUTP.
Oianǵan Damir Qýatbekov týystary turatyn Aq qaiyń kentine keledi. Ol jerden jedel járdem shaqyryldy, onda ol bas miynyń jaraqaty men kógerýimen №12 aýrýhanaǵa jatqyzyldy.
"Shamamen saǵat 20:30-da Almaty qalasy Medeý aýdandyq politsiia basqarmasynyń tergeý bóliminiń tergeýshisi A. Qaiseev aýrýhanaǵa kelip, inspektordyń aryzyn aldy. Ony Qylmystyq kodekstiń 293 (Buzaqylyq) jáne 380-1 baptary (quqyq qorǵaý, arnaýly memlekettik organ qyzmetkeriniń, áskeri qyzmetshiniń, janýarlar dúniesin qorǵaý jónindegi memlekettik inspektordyń ómirine qol suǵý) boiynsha SDTBT-ǵa tirkedi", - dep tolyqtyrdy ulttyq park ákimshiligi.
Qazir tergeý organy sotqa deiingi tergeý júrgizedi, sot-meditsinalyq saraptama taǵaiyndaldy.
