Almatyda Ile Alataýy ulttyq parkiniń territoriiasynda ornalastyrylǵan fototuzaqqa sibir elikteri túsip qalǵan. Arnaiy habarlama parktiń Feisbýktegi paraqshasynda jariialandy.
Ile-Alataý ulttyq parkiniń Aqsai filialynyń biolog-ańtanýshysy Sákenov Nurbol bastaǵan Ǵylymi zertteý jumystary jáne taýly agrobioalýantúrlilik bólimi men Janýarlar álemin qorǵaý jáne ósimin molaitý bólimi mamandary osy filialǵa qarasty shatqalǵa fototuzaq ornatqan bolatyn.
Sondai-aq, mamandar Tuiaqty janýarlarǵa arnalǵan qorektendirý astaýlary men tuz jalaityn oryndardy tekserdi. Baqylaý kezinde mamandar ormannyń ashyq alańqaiynda jaiylyp júrgen sibir elikterin (Capreolus pyqarqus) sýretke, videoǵa túsirip aldy. Beinekadrǵa bul jaqqa sirek aiaq basatyn 6 sibir eligi túsip qalǵan.
Osylaisha, Ile Alataýy ulttyq parki mamandary aimaqtaǵy flora men faýnanyń tynys-tirlishigin qatań baqylaýda ustap otyrady.
Byltyr 13 jeltoqsanda tuńǵysh ret Ile Alataýynda alandaryn ertken qar barysy fototuzaqqa túsip qalǵan edi.
Aita ketý kerek, Almaty biligi osyǵan deiin joiylýdyń az-aq aldynda turǵan qar barysyna arnalǵan zoobaq ashatynyn habarlaǵan bolatyn.
Erekshe kúzetti talap etetin nysan adamdar bara bermeitin biik taýda salynady. Ondaǵan gektardy alyp jatqan territoriiada taý eshkileri, buǵylar mekendeitin bolady. Bul qar barystarynyń qorektik bazasy bolmaq. Biyl zoolog ǵalymdar men Zoologiia institýtynyń ókilderi ǵylymi zertteý júrgizip jatyr.
