Ulttyq saiabaq janyndaǵy qoǵamdyq keńes Ile Alataýy ulttyq saiabaǵynda ekotýrizmdi turaqty damytý jumystarynyń barysyn tekserdi, dep habarlaidy QazAqparat.
Monitoring barysynda Ulttyq saiabaq janyndaǵy qoǵamdyq keńes Aiýsai vizit ortalyǵynyń qurastyrylý satylarymen tanysty jáne «Tamyr» tabiǵat aiasynda bolý mektebinde boldy.
«Biz sizderdi sońǵy kezdesýimizden soń atqarylǵan jumystarmen tanystyrǵymyz keledi. Ulttyq saiabaqtardy damytý qorynyń atqarýshy direktory Sergei Spitsynmen avtoturaq, sport alańshasy ornatyldy. Sondai-aq, alǵash qoǵamdyq ájethana qurastyrylyp jatyr. Barlyq konstrýktsiia, sondai-aq vizit ortalyqtyń ózi geoshýrýptarmen júzege asýda. Biz óz jumystarymyzda beton qoldanbaimyz, shuńqyr qazbaimyz. Myna ózderińiz kórip turǵan jyrada kelesi aptada qoǵamdyq ájethanaǵa arnalǵan tazartý júiesin ornalastyrý úshin alańsha daiyndaýdy bastaimyz. Qoǵamdyq ájethanany qyrkúiek aiynyń sońyna deiin aiaqtaýdy kózdep otyrmyz», — dedi «Týranga grýppc kompaniiasynyń direktory Aleksandr Gýjavin.
Kompaniia bul aýmaqty ózderine deiingi jaldaǵandardan qalǵan buzylǵan beton qurylymdardy alyp tastaýdy josparlap otyr.Olardyń ornynda qoǵamdyq kólik aialdamasy paida bolady.
Qoǵamdyq keńes músheleri sarqyndy sýlardy tazartý júiesi jaily aityp berýdi surady.
Ulttyq saiabaqtardy damytý qorynyń atqarýshy direktory Sergei Spitsyn bul júieniń qalai jumys jasaitynyn baiandady.
«Bul protsestiń máni – sarqyndy sýlar tereń biologiialyq tazartýdan jáne buǵan qosymsha ýltrakúlgin zalalsyzdandyrýdan ótetindiginde. Sertifikatsiialanǵan bakteriialar barsha organikany «jep qoiyp», tunǵan laidy ǵana qaldyrady. Sý, ony tehnikalyq qajetke qoldanýǵa jaramdy kúige deiin, tazaryp qalady. Keleshekte tazartylǵan sýdy ekinshi tsiklde shaiý maqsatynda qoldaný máselesin qarastyryp jatyrmyz»,–dedi Sergei Spitsyn.
Buǵan qosa, «Týranga grýpp» komandasy taiaý arada «Tamyr» tabiǵat aiasynda bolý mektebimen birge eki jańa soqpaqty qalyptastyrýdy josparlap otyr. « Jas kaiyń»,– dep atalǵan birinshi soqpaqta ata-analar balalarymen birge, sondai-aq egde adamdar júre alady. Ekinshi soqpaq, qimyl-qozǵalysy shektelgen jandar úshin arnaiy qurylady.
Almaty ekologiia departamentiniń basshysy Qonysbek Baidinov ekotýrizmdi damytý jobasyn qoldady.
«Bul ásirese óskeleń urpaq úshin kerek. Balalardy ekologiialyq mádenietke jastaiynan baýlý, qorshaǵan ortanyń qundylyǵyn uqtyrý kerek», - dedi ol.
Ulttyq saiabaq janyndaǵy qoǵamdyq keńes múshesi Rasýl Rysmambetov jobanyń basty maqsatyna toqtaldy.
«Men qoǵamdyq keńeske, atalǵan júieniń tiimdiligi qyzyqtyrǵasyn, bul joba keleshekte qandai somaǵa júzege asyp, qandai tabys ákelerin bilgim kelgendikten kirdim. Sebebi, Qazaqstanda bir emes, on úsh ulttyq saiabaq bar. Sondyqtan ekobiznestiń jeke joba úlgisinde damýyn baqylaý qyzyqty bolmaq. Onyń ústine, taýǵa jii kelip turatyn Almaty qalasynyń turǵyny retinde, bul joba qandai ózgeris ákeletinin kórgim keledi», - dep túiindedi Rasýl Rysmambetov.
Ulttyq saiabaq janyndaǵy qoǵamdyq keńeske quramynda - týristik uiymdar ókilderi, ǵalymdar, sportshylar, kásipkerler, ekobelsendiler, qoǵam qairatkerleri bar. Jalpy quramyna 19 adam engen.
Joba aiasynda 155 shaqyrym jaiaý soqpaq salý men abattandyrý kózdelip otyr. Sondai-aq, kelýshiler ulttyq saiabaq týraly aqparat alatyn 7 vizit ortalyq ornatý qarastyrylǵan. Keleshekte etnoaýyl, kemping, shatyrly lager, 10-15 oryndyq glemping (taý baspanasy) jáne bir karavaning (avtoúimen saiahat jasaityndarǵa arnap jabdyqtalǵan turaq ) paida bolmaq.
