Tótenshe jaǵdai jariialanýyna bailanysty iKOMEK109 qyzmeti turǵyndarmen qala tirshiligin qamtamasyz etýdegi barlyq suraqtar boiynsha ózara qarym-qatynas ornatýdyń, sondai-aq koronavirýs infektsiiasy (KVI) men karantin máseleleri boiynsha biryńǵai jedel jeli retinde jariialandy, dep habarlaidy elorda ákimdiginiń resmi saity.
«TJ kezinde biz operatorlar sanyn kóbeittik. Osylaisha, aýysymyna ádettegidei 30 emes, 53 adam jumys isteidi. Biz, sondai-aq, bailanys arnasyn keńeittik. Endi kútý rejimine 120 turǵynǵa deiin ala alamyz», - dedi iKOMEK qalalyq ortalyǵynyń jetekshisi Jannat Dýbirova.
Kún saiyn iKOMEK ortalyǵyna 7 myńnan 29 myńǵa deiin ótinish kelip túsedi.
«TJ jariialanǵandyqtan jáne biryńǵai bailanys ortalyǵynyń jumysyna úlken salmaq túskendikten barlyq turǵyndardy arnaiy azamattarǵa yńǵaily bolý úshin ázirlengen tsifrlyq servisterdi paidalanýǵa shaqyramyz. Onyń qatarynda, iKOMEK mobildi qosymshasy, ákimdik saitynda ótinish berýge arnalǵan úlken qyzǵylt sary batyrma, iKOMEK telegramm-boty jáne Smart Astana mobildi qosymshasy bar. Birinshi qońyraý shalǵanda operator jaýap bere almaityn suraqtar tirkelip, KVI taralýyn aldyn alý jónindegi jedel shtabqa joldanady», - dep túsindirdi J. Dýbirova.
