QR IIM Ákimshilik politsiiasynyń baspasóz hatshysy Irina Lýkianina jaiaý júrginshilerge qatysty belgilengen qomaqty aiyppul somasy boiynsha túsinik berdi, dep habarlaidy QazAqparat tilshisi.
Aita keteiik, messendjerlerde joldyń ruqsat etilmegen jerinen júrip ótkenderge 70 myń teńge somasynda aiyppul salynatyndyǵy týraly aqparat taraǵan bolatyn.
«Árine, aiyppul somasyna qatysty bul aqparat shyndyqqa sai kelmeidi. Qazirgi kezde jol erejesin buzǵan jaiaý júrginshiler úshin aiyppul kólemi 2 AEK deńgeiinde. Al jaiaý júrginshilerge qatysty jol erejesin buzylýyn aldyn alý úshin politseiler tiisti sharalardy turaqty túrde ótkizip turady», - dep jazdy Irina Lýkianina Feisbýktegi paraqshasynda.
Onyń atap ótýinshe, elimizde jol-kólik oqiǵalarynyń árbir ekinshisine jýyǵy jaiaý júrginshilerdi qaǵyp ketýge bailanysty bolyp otyr. Sonymen birge, jyl basynan beri 540 oqiǵa jaiaý júrginshilerdiń kinásinen oryn alǵan. Saldarynan 115 adam kóz jumyp, 450 adam túrli dene jaraqattaryn aldy.
«Jól-kólik oqiǵasynda óz kinásinen mert bolǵan jaiaý júrginshilerdiń sany Almatyda, Qaraǵandy jáne Almaty oblystarynda ósti. JKO-nyń negizgi sebepteri joldy ruqsat etilmen bóliginen qiyp ótýden nemese baǵdarshamnyń belgilerin elemegennen bolady», - dedi I. Lýkianina.
