Ishki ister mamandary internette vaktsinalaý pasporty men PTR-test anyqtamasyn satatyn 46 jarnamany anyqtap, birneshe sheteldik resýrsty buǵattaýǵa jibergen, dep habarlaidy QazAqparat.
Ishki ister ministrliginiń baspasóz ókili Shuǵyla Turlybektiń aitýynsha, politsiianyń barlyq bólimshelerinde arnaiy monitoringtik toptar qurylyp, olar internet jelisinde, áleýmettik jelilerde jáne messendjerlerde, jergilikti pablikterde, jarnamalyq saittarda ornalastyrylatyn jalǵan qujattardy satý jónindegi habarlandyrýlardy anyqtap, pysyqtap jatyr.
«Politsiia osyndai 46 jarnamany anyqtady. Onda jalǵan vaktsinatsiia pasporttary, oń nemese teris test nátijeleri bar anyqtamalar aqshaǵa usynylady. Atalǵan resýrstarda Resei Federatsiiasynda, Ýkrainada, Úndistanda jáne AQSh-ta meditsinalyq anyqtamalar men vaktsinatsiia sertifikattaryn satý týraly habarlandyrýlar bar», - deidi IIM ókili.
Shuǵyla Turlybektiń aitýynsha, kiberqylmyspen kúres ortalyǵynyń mamandary aldyn ala tólem alýǵa baǵyttalǵan alaiaqtyq shemalardyń qalai iske asatynyn anyqtaǵan.
Alaiaqtar qarmaqqa ilingen azamattarǵa vaktsinanyń birinshi komponentin alǵany týraly memlekettik organdardyń resmi resýrstaryna jatpaityn bógde poshta jáshikterinen habarlama jiberedi. Osyǵan aldanǵan azamattar 2 komponenttiń anyqtamasy úshin suraǵan aqshany aýdaryp jiberedi. Aqsha túsken boida jarnama iesi bailanys aiasynan joǵalady.
«Birqatar jariialanymdardy taldaý alaiaqtardyń sheteldik bankterdiń kartalaryn qoldanǵanyn anyqtady, al «satýshylar» únemi ózgerip turatyn virtýaldy telefon nómirlerin jii qoldanady. Aldanǵan adamdar quqyq qorǵaý organdaryna júginbeidi, óitkeni olar jalǵan qujattardy satyp alý arqyly zańdy buzǵandaryn túsinedi. Anyqtalǵan sheteldik resýrstardy Qazaqstan aýmaǵynda buǵattaý úshin ýákiletti organǵa jiberildi. Ishki ister ministrligi azamattarǵa qylmystyq protseske qatysýdan aýlaq bolýǵa jáne qanydardy mundai áreketterden saqtandyrýǵa shaqyrady», - deidi veodmstvonyń baspasóz ókili.
