Kollaj:gov.kz
Sońǵy 4 jylda sintetikalyq esirtkiniń zańsyz ainalymy 10 eseden asty. Bul týraly búgin Parlament Májilisi janyndaǵy Qoǵamdyq palata otyrysynda Ishki Ister Ministriniń birinshi orynbasary Marat Qojaev málimdedi dep habarlaidy "Ult Aqparat".
Marat Qojaev "sońǵy jyldary Qazaqstan Ortalyq Aziiadaǵy esirtki óndirisiniń epitsentrine ainaldy" dep alańdaýshylyq bildirdi.
"Esirtkige qatań jaza qoldanylatynyna qaramastan, bizdiń " sintetika " Qyrǵyzstan men Ózbekstannyń "narqyn " belsendi túrde toltyryp jatyr. Mundaǵy basty másele - ruqsat etilgen himiialyq zattar men jabdyqtardy paidalaný bolyp otyr. Olardyń negizgileri arnaiy baqylaýǵa jatatyn prekýrsorlar men taýarlar tizbesine engizilgen. Olarǵa "bromketon-4" zaty, sondai-aq ártúrli reaktorlar, kondensatorlar jáne býlandyrǵyshtar jatady. Alaida olardyń zańsyz ainalymy úshin naqty jaýapkershilik joq. Tek prekýrsorlardyń kontrabandasy (QK 286-baby) jáne esirtki zerthanalaryna arnalǵan jabdyqtardy ótkizý (QK 301-baby) qylmystyq jazalanady", -deidi Marat Qojaev.
Osyǵan bailanysty, ministrdiń birinshi orynbasary búgin qaralyp jatqan zań jobasynda prekýrsorlar men atalǵan jabdyqtardyń zańsyz ainalymy úshin jaýapkershilikti kúsheitý jáne dárihanalarda esirtki dep tanylǵan preporattardy satýǵa qatysty shekteýler kózdelgenin aitady.
