Ishki ister ministriniń birinshi orynbasary Marat Qojaev Nur-Sultandaǵy IIM ǵimaraty mańynda óz-ózin órtep jibergen áieldiń isine qatysty pikir bildirdi, - dep habarlaidy Tengrinews.kz tilshisi.
"Shynynda da, osyndai oqiǵa boldy. Ókinishke qarai, tártipbuzýshylardyń is-áreketterinen zardap shekken jábirlenýshiler túrli psiho-fiziologiialyq áserge ushyraidy. Keibiri buǵan shydai almaidy. Jábirlenýshilerdiń biri tergeý organdaryna qysym kórsetý maqsatynda osy áreketke bardy dep oilaimyn. Olar órtti sóndirip úlgerdi, áiel qazir aýrýhanada jatyr. Onyń ómirine qaýip tónip turǵan joq. Maǵan osylai baiandaldy", - dedi Qojaev Májilis aiasynda jýrnalisterdiń suraqtaryna jaýap berip.
Ol Mudarabah Capital isi boiynsha 14 aiyptalýshy jaýapqa tartylǵanyn aitty.
"Olardyń altaýy qamaýda. Birneshe adam úi qamaýynda otyr. Meniń oiymsha, ekeýi kepilmen, al bireýi eshqaida ketpeý týraly qolhatpen otyr. Aldyn alý sharasy jaza emes ekenin túsiný kerek. Ol adamnyń jeke basyna sai taǵaiyndalady, adam jasyrynbaýy, basqa qylmys jasamaýy jáne basqa adamdardy tergeýge kedergi keltirmeýi úshin beriledi.
Bul jaza emes. Alaida osy qylmystyq is boiynsha jábirlenýshilerdiń ózderi búginde kim qamaýda, al basqa bultartpaý sharalary kimge taǵaiyndalý keregin anyqtady. Ókinishke qarai, emotsiia kórsetedi. Biraq sharalardy emotsiiaǵa sai emes, zańnamaǵa sáikes tańdaýymyz kerek", - dep tolyqtyrdy ministrdiń birinshi orynbasary.
