ٸشكٸ ٸستەر مينيسترٸنٸڭ بٸرٸنشٸ ورىنباسارى مارات قوجاەۆ نۇر-سۇلتانداعى ٸٸم عيماراتى ماڭىندا ٶز-ٶزٸن ٶرتەپ جٸبەرگەن ەيەلدٸڭ ٸسٸنە قاتىستى پٸكٸر بٸلدٸردٸ, - دەپ حابارلايدى Tengrinews.kz تٸلشٸسٸ.
"شىنىندا دا, وسىنداي وقيعا بولدى. ٶكٸنٸشكە قاراي, تەرتٸپبۇزۋشىلاردىڭ ٸس-ەرەكەتتەرٸنەن زارداپ شەككەن جەبٸرلەنۋشٸلەر تٷرلٸ پسيحو-فيزيولوگييالىق ەسەرگە ۇشىرايدى. كەيبٸرٸ بۇعان شىداي المايدى. جەبٸرلەنۋشٸلەردٸڭ بٸرٸ تەرگەۋ ورگاندارىنا قىسىم كٶرسەتۋ ماقساتىندا وسى ەرەكەتكە باردى دەپ ويلايمىن. ولار ٶرتتٸ سٶندٸرٸپ ٷلگەردٸ, ەيەل قازٸر اۋرۋحانادا جاتىر. ونىڭ ٶمٸرٸنە قاۋٸپ تٶنٸپ تۇرعان جوق. ماعان وسىلاي باياندالدى", - دەدٸ قوجاەۆ مەجٸلٸس اياسىندا جۋرناليستەردٸڭ سۇراقتارىنا جاۋاپ بەرٸپ.
ول Mudarabah Capital ٸسٸ بويىنشا 14 ايىپتالۋشى جاۋاپقا تارتىلعانىن ايتتى.
"ولاردىڭ التاۋى قاماۋدا. بٸرنەشە ادام ٷي قاماۋىندا وتىر. مەنٸڭ ويىمشا, ەكەۋٸ كەپٸلمەن, ال بٸرەۋٸ ەشقايدا كەتپەۋ تۋرالى قولحاتپەن وتىر. الدىن الۋ شاراسى جازا ەمەس ەكەنٸن تٷسٸنۋ كەرەك. ول ادامنىڭ جەكە باسىنا ساي تاعايىندالادى, ادام جاسىرىنباۋى, باسقا قىلمىس جاساماۋى جەنە باسقا ادامداردى تەرگەۋگە كەدەرگٸ كەلتٸرمەۋٸ ٷشٸن بەرٸلەدٸ.
بۇل جازا ەمەس. الايدا وسى قىلمىستىق ٸس بويىنشا جەبٸرلەنۋشٸلەردٸڭ ٶزدەرٸ بٷگٸندە كٸم قاماۋدا, ال باسقا بۇلتارتپاۋ شارالارى كٸمگە تاعايىندالۋ كەرەگٸن انىقتادى. ٶكٸنٸشكە قاراي, ەموتسييا كٶرسەتەدٸ. بٸراق شارالاردى ەموتسيياعا ساي ەمەس, زاڭناماعا سەيكەس تاڭداۋىمىز كەرەك", - دەپ تولىقتىردى مينيستردٸڭ بٸرٸنشٸ ورىنباسارى.
