QR Ishki ister ministrligi Qylmystyq-atqarý júiesi komitetiniń baspasóz qyzmeti Ulttyq mýzeidiń eks-direktory Arystanbek Muhamediulynyń sýitsid jasamaq bolǵany týraly aqparatqa túsinik berdi, dep habarlaidy QazAqparat.
Áleýmettik jeli men keibir aqparat quraldarynda Ulttyq mýzeidiń eks-direktory, oǵan deiin Mádeniet jáne sport ministrligin basqarǵan Arystanbek Muhamediulynyń qamaýda óz-ózine qol salmaq bolǵany týraly aqparat tarady. Qylmystyq-atqarý júiesi komitetiniń baspasóz qyzmeti ol aqparatta jańsaqtyq bar ekenin málim etti.
«Arystanbek Muhamediuly sýitsid jasamaq boldy. Biraq bul 2022 jyldyń mamyr aiynda, eks-direktor ýaqytsha ustaý izoliatorynda bolǵan kezde oryn alǵan», - deidi komitettiń baspasóz qyzmetindegiler.
Eske salsaq, 29 mamyrda Sybailas jemqorlyqqa qarsy is-qimyl agenttigi sot sanktsiiasymen Ulttyq mýzei direktory Arystanbek Muhamediulyna qatysty «kúzetpen ustaý» bultartpaý sharasy tańdalǵanyn málim etken edi.
Al 26 tamyzda atalǵan tulǵanyń ministr kezindegi týystaryna qatysty áreketteri tergelip jatqany aityldy.
