Politseiler men qylmystyq-atqarý júiesi qyzmetkerleriniń 90%-dan astamy COVID-19-ǵa qarsy josparly vaktsinatsiiadan ótti, dep habarlaidy Qazaqstan Respýblikasy IIM baspasóz qyzmeti.
Ministr Erlan Turǵymbaev bastaǵan IIM basshylyǵy da vaktsina aldy. Elimizdiń bas politseiiniń aitýynsha, jeke quramdy vaktsinatsiialaý osy jyldyń 6 naýryzynan bastap júrgizilýde jáne ishki ister organdarynyń barlyq fýnktsionaldyq jáne aýmaqtyq bólimshelerin, onyń ishinde qylmystyq-atqarý júiesiniń uiymdaryn, ishki áskerler men IIM oqý oryndaryn qamtydy.
Politsiia qyzmetkerleri qylmystardy ashý jáne tergeý, oqiǵa oryndaryn tekserý, tergeý áreketterin júrgizý boiynsha qyzmet atqarady, joldardaǵy qaýipsizdikti qamtamasyz etedi, sondai-aq sanitarlyq beketterde qyzmet etedi. Budan basqa, meditsina qyzmetkerlerimen birge karantindik sharalardy qamtamasyz etýge qatysady. Sondyqtan COVID-19 juqtyrý qaýpi bar.
«Jumystyń ereksheligin eskere otyryp, ishki ister organdarynyń qyzmetkerleri, meditsina qyzmetkerleri siiaqty, koronavirýsqa qarsy vaktsinatsiianyń basym tobyna kiredi. Bul ózińizdi jáne jaqyndaryńyzdy qorǵaýǵa, ádettegi ómir saltyna tezirek oralý úshin ujymdyq immýnitetti qalyptastyrýǵa múmkindik beretin qajetti shara», - dep atap ótti ministr.
Vaktsinatsiia týraly sheshimdi árkim óz betinshe qabyldaidy. Ekpe alýǵa niet bildirgen qyzmetkerler aldyn ala tekserýden ótedi. Meditsinalyq qarsy kórsetilimderi bar adamdar vaktsinatsiialaýǵa jatpaidy.
Vaktsinatsiia jumystary jalǵasýda jáne turaqty baqylaýda.
