QR Ishki ister ministriniń birinshi orynbasary Marat Qojaev politsiiaǵa baǵynbaǵany úshin Qordai oqiǵasynan keiin ustalǵandar týraly aityp berdi, dep habarlaidy "Ult aqparat".
«Janjal shyǵarǵan adamdar boiynsha, iaǵni politsiia qyzmetkerlerine baǵynbaǵan úsh adam ustalyp, is sotqa jiberildi. Osy oqiǵalarǵa sebep bolǵan jaǵdailardyń biri – ol qart adamdy soqqyǵa jyǵý. Bul jaǵdai boiynsha kináliler anyqtalyp, quryqtaldy», - dedi M. Qojaev Parlament Májilisinde tilshiler saýalyna jaýap bere otyryp.
Budan bólek ol arandatý kúdigine ilikkender boiynsha tergeý amaldary júrip jatqanyn atap ótti. Aldaǵy ýaqytta olarǵa qatysty aqparat jariialanady.
Munymen qosa M. Qojaev ustalǵan adamdardyń sanyna balanysty naqty málimet jariialanatynyn jetkizdi.
«Taiaý arada málimetterdi alasyzdar. Qordai oqiǵasyna qatysty tergeý júrip jatyr. Tergeý sharalaryn vedomstvoaralyq jedel top júrgizýde. Óte úlken jumystar atqarylýda, sebebi oryn alǵan jaǵdai aýqymdy ekenin atap ótken jón», - dedi Marat Qojaev.
