QR Ishki ister ministrligi Qazaqstan azamattarynyń shetelderden satyp alǵan jáne elimizdiń aýmaǵyna ákelgen avtokólikterin tirkeý máselelerin túsindirý úshin «qaýyrt jeli» telefon jelisin iske qosty, dep habarlaidy "Ult aqparat".
Atalǵan ministrlik málimetinshe, Ákimshilik politsiia komitetiniń qyzmetkerleri qazaqstandyqtarǵa 8 (7172) 71 58 21, 71 58 39, 71 58 04, 71 58 06, 71 58 62 (demalys kúnderin qospaǵanda túski úzilissiz 09:00-den 19:00-ge deiin) telefondary boiynsha keńes berýge daiyn.
Sonymen birge, 17-18 qańtarda elimizdegi barlyq óńirlik politsiia bólinisteri kezekti respýblikalyq «Jolda qabyldaý» aktsiiasyn ótkizedi. Azamattardy mobildi jedel qabyldaý pýnktterinde ishki ister organdarynyń mamandary árbir adamnyń jeke jaǵdaiyna bailanysty tirkeý tártibin naqty túsindiredi. Osyndai keńesterdi politsiianyń front-keńselerinen alýǵa bolady.
«Jolda qabyldaý» aktsiiasy aiasynda jáne politsiia front-keńselerinde aiyppuldar týraly aqparattar alýǵa, politsiia kórsetetin memlekettik qyzmetter týraly bilýge bolady. Ózderiniń kezek kúttirmes suraqtaryn sheshý úshin eshqandai biýrokrattyq kedergilersiz tikelei ákimshilik, kóshi-qon jáne jergilikti politsiia basshylaryna júgine alady.
«Jolda qabyldaý» aktsiiasy ótkiziletin oryndardyń mekenjailaryn óńirlik Politsiia departamentteriniń saittarynan bilýge bolady.
