Ishki ister ministrligi qazaqstandyqtarǵa profilaktikalyq jáne eskertý SMS-habarlamalaryn jibere bastady, - dep habarlaidy "Ult aqparat" Polisia NEWS-ke silteme jasap.
"Uialy bailanys turǵylyqty jáne ornalasqan jerine qaramastan, Qazaqstannyń árbir turǵynyna qoljetimdi bolǵandyqtan, alaiaqtyq deregi týraly aqparatty SMS arqyly jiberý azamattardyń keń aýqymyn jedel habardar etýge múmkindik beredi", - deidi IIM baspasóz qyzmeti.
IIM saqtyq sharalaryn eske salady:
- aqshany qaýipsiz shottarǵa aýdarý, nesieni rásimdeý týraly ózderin bank nemese quqyq qorǵaý organdarynyń qyzmetkeri retinde tanystyrǵan adamdardyń telefon arqyly nusqaýlyqtaryna ermeý qajet. Quqyq qorǵaý organdary arnaiy operatsiialardy telefon arqyly júrgizbeidi;
- ózderin bank, politsiia qyzmetkerleri retinde tanystyrǵan adamdarǵa derbes derekterdi, plastikalyq kartalardyń derektemelerin, aýdarymdar týraly túbirtekterdi, ásirese kodtar men qupiia sózderdi habarlamańyz;
- belgisiz jáne tekserilmegen saittarǵa jáne basqa kózderge jeke derekterdi bermeńiz. Tekserýsiz aldyn ala tólem júrgizbeńiz. Taýardy alǵannan keiin tólem jasaýǵa kelisýge tyrysyńyz;
- kúmándi sharttar boiynsha aýdarymdardy júzege asyrmańyz;
- qosymshalardy ornatý úshin tek resmi App Store men Play Market kózderin paidalanyńyz;
- belgisiz adamdardan kelip túsken siltemege kirmeńiz. Kóbinese alaiaqtar tólem jasaý úshin fishingtik bolyp tabylatyn silteme boiynsha ótýdi usynady;
- banking qyzmetine qol jetkizý qupiia sózderin jii ózgertip otyryńyz. 3D-qorǵaýdy jáne bankter usynatyn basqa qaýipsizdik sharalaryn qoldanyńyz;
- óz shottaryńyzdaǵy aqsha ainalymyn jii tekserý qajet.
