Foto: ©️ Tengrinews.kz / Turar Qazanǵapov
Ishki ister ministriniń orynbasary Sáken Sársenov Astana meiramhanasyndaǵy kisi ólimine qatysty burynǵy Ulttyq ekonomika ministri Qýandyq Bishimbaevtyń ustalǵanyn rastady, dep habarlaidy Kazinform agenttigi.
«Keshegi qaiǵyly oqiǵanyń mán-jaiy anyqtaldy ma? Burynǵy Ulttyq ekonomika ministri Qýandyq Bishimbaevtyń aty atalyp jatyr. Qoǵamdyq orynda kisi ólimine qalai jol berilgen?», - dep surady jýrnalist.
Ministrdiń orynbasary bul suraqqa qysqa jaýap qaiyrdy.
«Ol ustaldy, qazir tergeý sharalary ótip jatyr. Qalǵanyna pikir bildire almaimyn. Jumys aiasynda sizderge qosymsha málimet beriledi», - dedi.
BAQ ókilderi ólimge jol bergen meiramhana qyzmetkerleriniń jaýapkershiligi týraly surady.
«Qazir osy ispen tergeý departamentiniń qyzmetkerleri ainalysyp jatyr. Keiin olar sizderge qosymsha aqparat beredi dep oilaimyn», - dedi Sáken Sársenov.
