Aýa raiynyń nasharlaýyna bailanysty QR Ishki ister ministrligi kei aimaq turǵyndaryna uzaq saparǵa shyqpaýǵa keńes berdi, dep habarlaidy "Ult aqparat".
Aýa raiy nasharlaýy múmkin óńirlerdiń qala syrtyndaǵy joldaryn patrýldeitin ekipajdardyń jumysy kúsheitildi.
«Almaty jáne Shyǵys Qazaqstan oblystarynda aýa raiynyń nasharlaýyna bailanysty (qalyń qar, boran, joldyń anyq kórinbeýi) birqatar jolda kólik qozǵalysyna shekteý engizildi. Batys Qazaqstan, Qaraǵandy, Qostanai, Pavlodar jáne Soltústik Qazaqstan oblystarynda aýa temperatýrasy 20 gradýstan tómendeitini boljandy.
QR IIM atalǵan óńir turǵyndaryna jol júrýdi shektep, aýa raiy men joldardyń jai-kúii týraly habarlamalardy qadaǵalaýdy usynady.
Politseiler júrgizýshiler men jaiaý júrginshilerdi saparǵa shyqqanda óte muqiiat bolýǵa shaqyrady», - dep habarlady ministrliktiń baspasóz qyzmeti.
Aýa raiy nasharlaǵanda avtokólik júrgizýshilerinen jolǵa muqiiat nazar salý jáne dóńgelekterin ýaqytyly aýystyryp, qysqy kezeńge daiyndalý talap etiledi.
Barlyq adamdar jolda qiyn jaǵdaiǵa tap bolǵan jaǵdaida ishki ister organdarynyń bólimshelerine 102 nómiri boiynsha táýlik boiy júgine alady.
