Búgin Almaty oblysynyń Jambyl aýdanynda kólik apatyna túsken oqýshylyrdyń barlyǵy Almaty qalasyndaǵy №134 mektep-gimnaziiasynda bilim alady. Bul jóninde IIM baspasóz qyzmeti málimdedi, dep habarlaidy "Ult aqparat".
«Almaty oblysy Jambyl aýdanynyń aýmaǵynda Qopa stansasyna jaqyn jerde mektep oqýshylaryn tasymaldaityn avtobýs jol apatyna ushyrady. Aldyn ala málimet boiynsha, avtobýsta Almaty qalasy № 134 mektep-gimnaziiasynyń 47 oqýshysy bolǵan. Kólik aýyl jolymen júrip kele jatqanda kenetten aldynan shyqqyn jylqyny ainalyp ótpek bolǵan. Sóitip joldyń shetine shyǵyp ketken. Segiz oqýshy men muǵalim jaraqat aldy. Bes bala QR IIM TJK meditsinalyq-qutqarý pýnktiniń meditsinalyq arnaiy avtomobilimen, taǵy úsh oqýshy men muǵalim Degeres aýyly feldsherlik pýnktiniń avtokóligimen Uzynaǵash aýylyndaǵy aýdandyq aýrýhanaǵa jetkizildi» delingen IIM baspasóz qyzmeti taratqan aqparatta.
Vedomstvo aqparatyna sáikes, oqiǵa ornynda patrýl politsiiasy, TJ jáne meditsina qyzmetkerleri jumys istep jatyr.
Aita keteiik, buǵan deiin Almaty oblysynda oqýshylar mingen avtobýs jol apatyna ushyraǵanyn habarlaǵan bolatynbyz.
