Tokio Olimpiadasynyń qola júldegeri, ziltemirshi Igor Son jeńisten keiin Ulttyq olimpiada komitetiniń resmi saityna suhbat berdi, dep habarlaidy "Ult aqparat".
Búgin Tokiodaǵy Olimpiada oiyndarynda qazaqstandyq ziltemirshi Igor Son qola medal jeńip aldy.
Sportshy jarys kezinde qatty qobaljyǵanyn jasyrmady.
«Oiymdy jinaqtaýǵa týra keldi. Qalai ýaiymdaǵanymdy sózben jetkize almaimyn. Tokioǵa deiin osynsha salmaq kótergen emespin. Demek, bul meniń iri jarystarda kórsetken eń jaqsy nátijem. Jattyǵý zalynda qarsylastardy baqylap otyrdyq.
Basty qarsylasym ziltemirdi qisaityp alǵan kezde de ýaiymym kete qoimady. Bári bolýy múmkin ǵoi. Men julqa kóterýden jaqsymyn, serpe kóterýde biraz qiyndyq bar.
Al tóreshiler eseptemei qoiǵan eki múmkindikke keler bolsaq, ekeýinde de shyntaǵymnyń qozǵalǵany keri áser etti. Bári taza bolýy kerek.
Rahmet, Qazaqstan! Maǵan qoldaý kórsetkenderdiń bárine alǵys aitamyn. Alǵa, Qazaqstan», - dedi Son.
