Foto: Olympic.kz
Almatyda zańgerdi soqqyǵa jyqqan áskeri qyzmetker grek-rim kúresinen qazaqstandyq jáne burynǵy Keńes Odaǵynyń palýany Dáýlet Turlyhanovtyń uly bolyp shyqty. Bul aqparatty Turlyhanovtyń ózi rastady, - dep habarlaidy Tengrinews.kz portaly.
"Ol - kámeletke tolǵan adam. Iá, ol - meniń ulym. Jasaǵan áreketine ózi jaýap beredi. Ol boiynsha naqty sheshimdi quqyqqorǵaý organdary qabyldaidy", - dep jaýap berdi Turlyhanov tilshige.
Eske salaiyq, buǵan deiin Almatyda áskeri qyzmetker belgili advokatty soqqyǵa jyqqany habarlanǵan bolatyn.
Bul oqiǵa týraly advokat Oleg Chernovtyń áieli Anna Dimitrievich Facebook-paraqshasynda jazǵan. Olar taksige otyra bergende bir jigit júgirip kelip, soqqyǵa jyǵylǵan qyzǵa kómektesýin suraǵan.
Almaty PD bul derek QR Qylmystyq kodekstiń 293-baby ("Buzaqylyq") boiynsha sotaldy tergeýdiń biryńǵai tizilimine tirkelgenin habarlady. Qylmystyq is boiynsha alǵashqy tergeý áreketteri júrgizilip, saraptamalar taǵaiyndaldy.
Kúdikti áskeri adam bolǵandyqtan, qazir is materialdary sottylyǵyn anyqtaý úshin qalalyq Prokýratýraǵa jiberilgen.
