Densaýlyq saqtaý ministriniń birinshi orynbasary Marat Shoranov Hayat-Vax jáne CoronaVac vaktsinalarynyń tapshylyǵy týraly pikir bildirdi, dep habarlaidy "Ult aqparat".
«Hayat-Vax jáne CoronaVac vaktsinalaryn biz Qazaqstanǵa shekteýli kólemmen jetkizgenbiz. Eń basynan partiialardyń bárin dál ortasynan bólip jartysyn birinshi komponentine, jartysyn ekinshi komponentine saqtap otyrmyz. Qazirgi kezde Hayat-Vax-tyń birinshi komponentiniń qaldyǵy 13 myńdai. Qazaqstan boiynsha 486 myńnan astam adam ekpesin aldy. Sol sebepten ekinshi komponenttiń vaktsinalary meditsinalyq mekemelerdiń, uiymdardyń qoimalarynda saqtaýly tur. Sondyqtan Hayat-Vax jáne CoronaVac-tyń birinshi komponentin alǵan azamattar ekinshi ekpesin sol mekemelerden ala alady. Biraz qalada rasynda da 486 myń adam alǵandyqtan vaktsina biteiin dep qaldy», - dedi vitse-ministr ortalyq kommýnikatsiialar qyzmetinde.
Sondai-aq, Marat Shoranov atalǵan vaktsinalardyń qosymsha partiiasyn ákelý úshin kelissózder júrip jatqanyn atap ótti.
«Jalpy biz bul vaktsinalardy bir mezgil kelisimshartpen alyp kelgenbiz. Qazir kelissóz protsesi júrip jatyr. Sheshimi zaýyttyń óndiristik kólemine jáne kelisimsharttaryna bailanysty. Biz naqty merzimin belgileýge tyrysamyz», - dedi ministrdiń birinshi orynbasary.
