"Qazaqstan Halyq banki" AQ direktorlar keńesi men basqarma músheleri 2017 jyly shamamen 1,922 milliard teńge syiaqy alǵan, - dep habarlaidy "Ult aqparat" qarjy institýtynyń málimetine silteme jasap.
Bul somadan 191,110 million teńge somasyndaǵy jeke tabys salyǵy men 16,140 million teńge mindetti zeinetaqy jarnasy ustalǵan.
Halyk Bank saityndaǵy málimet boiynsha, direktorlar keńesi men basqarma quramyna 14 adam kiredi. Direktorlar keńesiniń tóraǵasy - Aleksandr Pavlov. Basqarma tóraiymy - Úmit Shaiahmetova. Osylaisha, bir adamǵa shaqqanda syiaqy kólemi ortasha eseppen jylyna 137,320 million teńge bolǵan, bul shamamen 419 myń dollar.
"Qazaqstan Halyq banki" AQ baspasóz qyzmetindegiler bul málimetti rastady, alaida syiaqynyń qashan tólengenin jáne direktorlar keńesi men basqarma músheleriniń naqty qansha somada syiaqy alǵanyn naqtylamady.
"Halyq" tobynyń 2017 jyldaǵy tabysy 173,36 milliard teńge bolǵan. 40 paiyzyn nemese 69,4 milliard teńgeni dividendterdi tóleýge baǵyttaý josparlanǵan. Aktsiia dividendiniń kólemi 6,31 teńge, tólemder 2018 jyldyń 1 maýsymynda bastalady.
Munyń aldynda "Kazkommertsbank" AQ "Qazaqstan Halyq Banki" AQ-pen biriktirý týraly sheshim qabyldanǵany habarlanǵan. Mundai sheshim qarjy institýttary aktsionerleriniń birikken jinalysy barysynda qabyldanǵan.
