2020-2022 jyldarǵa arnalǵan ǵylymi jáne ǵylymi-tehnikalyq jobalar boiynsha granttyq qarjylandyrýǵa eki konkýrs jariialandy, dep habarlaidy QR Bilim jáne ǵylym ministrliginiń baspasóz qyzmeti.
Konkýrsty Ǵylym komiteti ǵylymdy damytýdyń segiz basym baǵyty boiynsha irgeli jáne qoldanbaly ǵylymi zertteýler boiynsha jariialady.
Granttyq qarjylandyrýdyń dástúrli túrlerimen qatar jańa túrleri de engizildi.
Birinshiden, jeke nemese bes adamǵa deiingi zertteý toptarynyń jekelegen ǵylymi mindetterdi sheshýine baǵyttalǵan, merzimi 12 aiǵa deiingi shaǵyn granttar.
Ekinshiden, sheteldik ǵalymdarmen jáne ǵylymi ujymdarmen yntymaqtastyq aiasynda iri ǵylymi máselelerdi sheshýge baǵyttalǵan 27 ai merzimge beriletin halyqaralyq kollaboratsiiaǵa arnalǵan granttar.
Aita keterligi, biyl ǵylymi jobalarǵa arnalǵan granttardyń jańa túrleri qarastyrylǵan. Sonymen qatar, ǵylymnyń nátijeli bolýyn arttyrý maqsatynda ǵylymi jetekshiler men ǵylymi jáne ǵylymi-tehnikalyq jobalardan kútiletin nátijelerge qoiylatyn talaptar da artty.
Konkýrstyq ótinimder 2020 jylǵy 11 mamyr men 26 maýsym aralyǵynda myna silteme boiynsha «UMǴTSO» AQ aqparattyq júiesi arqyly elektrondy túrde qabyldanady.
