Talǵat Eshenqulov ǵylym jáne joǵary bilim vitse-ministri qyzmetine taǵaiyndaldy, - dep habarlaidy "Ult aqparat" primeminister.kz saityna silteme jasap.
"QR Úkimetiniń qaýlysy boiynsha, Talǵat Iliiasuly Eshenqulov Qazaqstan Respýblikasynyń ǵylym jáne joǵary bilim vitse-ministri qyzmetine taǵaiyndaldy", - delingen habarlamada.
Talǵat Eshenqulov 1978 jyly Jambyl oblysynda týǵan. Dýlati atyndaǵy Taraz memlekettik ýniversitetin, QR Prezidenti janyndaǵy Memlekettik basqarý akademiiasyn bitirgen. Memlekettik basqarýdyń Ulttyq mektebinde magistratýrada, QR Prezidenti janyndaǵy Memlekettik basqarý akademiiasynda doktorantýrada oqyǵan. Eńbek jolyn 1997 jyly aǵa býhgalter qyzmetinen bastaǵan.
2000-2007 jyldary Jambyl oblystyq sotynda, Jambyl oblysynyń Ádilet basqarmasynda jáne Ádilet departamentinde jumys istegen.
2007-2011 jyldary QR Bilim jáne ǵylym ministrligi Jambyl oblysynyń Balalardyń quqyqtaryn qorǵaý departamentin basqarǵan.
2011-2016 jyldary QR Joǵarǵy Sotynyń, Respýblikalyq biýdjettiń atqarylýyn baqylaý jónindegi esep komitetiniń, Qorshaǵan ortany qorǵaý ministrliginiń qurylymdarynda jumys istegen.
2016-2018 jyldary – QR BǴM Bilim jáne ǵylym salasyndaǵy baqylaý komiteti tóraǵasynyń orynbasary.
2018 jylǵy naýryzdan qyrkúiekke deiin QR bilim jáne ǵylym vitse-ministri qyzmetin atqarǵan.
2018-2020 jyldary – QR BǴM Bilim jáne ǵylym salasyndaǵy sapany qamtamasyz etý komitetiniń tóraǵasy, QR bilim jáne ǵylym vitse-ministri.
2020 jyldan 2021 jylǵa deiin QR BǴM Bilim jáne ǵylym salasyndaǵy sapany qamtamasyz etý komitetiniń tóraǵasy qyzmetin atqarǵan.
2021 jylǵy maýsymnan bastap osy ýaqytqa deiin "M.H. Dýlati atyndaǵy Taraz óńirlik ýniversiteti" KEAQ basqarma tóraǵasy – rektory bolyp jumys istegen.
