QR Sybailas jemqorlyqqa qarsy is-qimyl agenttiginiń departament direktory Arman Berdalin agenttikte ótken brifingte sybailas jemqorlyq faktisimen ustalǵandar týraly málimet berdi.
«Sybailas jemqorlyqqa qarsy is-qimyl agenttigi «Ǵylym qory» AQ basqarma tóraǵasyn paramen ustady. Ol 5000 AQSh dollary kóleminde Qazaqstan Respýblikasyndaǵy joǵarǵy oqý oryndary biriniń rektorynan ǵylymi jobalardy qarjylandyrý boiynsha máseleni jaǵymdy sheshý úshin para alǵan. Kúdiktini ustaý júrgizilgen joq, tolyq kinásin moiyndady. Tergeý jalǵasyp jatyr», - dep málimdedi ol.
