Memlekettik hatshy Qyrymbek Kósherbaevtyń tóraǵalyǵymen Qazaqstan Respýblikasynyń ǵylym men tehnika salasyndaǵy ál-Farabi atyndaǵy memlekettik syilyǵyn berý jónindegi komissiianyń qorytyndy otyrysy ótti, dep habarlaidy Aqordanyń resmi saity.
Atalmysh memlekettik syilyq ǵylymi jańalyqtar ashqan, jańa tehnologiialar oilap tapqan ǵalymdarǵa, sondai-aq ǵylymi – tehnika jáne innovatsiia baǵytynda nátijeli jumys atqaryp, elimizdiń áleýmettik-ekonomikalyq damýyna aitarlyqtai úles qosqan mamandarǵa beriledi.
2021 jyly ál-Farabi atyndaǵy memlekettik syilyqqa úmitker 16 jumys kelip túsken. Aldyn ala irikteýden keiin onyń 10-y ekinshi kezeńge ótken.
Otyrys qorytyndysy boiynsha Komissiia atalmysh memlekettik syilyqty berý úshin jumystar tizbesin bekitti. Endi ál-Farabi atyndaǵy memlekettik syilyǵyn berý týraly Qazaqstan Respýblikasy Prezidentiniń tiisti Jarlyq jobasy ázirlenetin bolady.
Atap ótý kerek, ál-Farabi atyndaǵy memlekettik syilyq ǵylym men tehnika salasyndaǵy ǵalymdar úshin eń joǵary marapat.
