Foto: Kznews.kz
Gúrjistanda qazaqstandyq transgender áiel Tomiris Qusaiynova kóz jumdy. Ázirge onyń naqty neden qaitys bolǵany belgisiz, dep habarlaidy Ult.kz kznews.kz saityna silteme jasap.
Qazir onyń týystary men dostary marqumnyń denesin Qazaqstanǵa jetkizý úshin qarjy jinap jatyr. Bul jóninde LGBT quqyqtaryn qorǵaityn halyqaralyq Medea uiymy habarlady.
Uiym ókilderiniń aitýynsha, Tomiris Tbilisidegi kvir-qaýymdastyqtyń "eń tanymal tulǵalarynyń biri" bolǵan.
"Ol adamdardy ózara bailanystyryp, qoǵamdar arasynda kópir ornata bilgen erekshe jan edi. Dál osy energiia Gúrjistan men qazaqstandyq qaýym músheleriniń arasyndaǵy qarym-qatynasty nyǵaitty", – delingen jazbada.
Sonymen qatar Medea uiymy Grýziia men Qazaqstanda transgender tulǵalardy júieli túrde kemsitý jáne olardyń negizgi quqyqtarynyń buzylýy áli de úlken másele bolyp otyrǵanyn alǵa tartty.
"Kóp jaǵdaida adamdardy elden ketýge májbúrleidi, alaida kóship barǵan jerinde de olar zorlyq-zombylyqqa, kemsitýshilikke jáne migratsiialyq protsesterdegi nemqurailylyqqa tap bolady", – dep habarlady uiym.
