Búgin oblys ákimi Gúlshara Ábdiqalyqova jylý maýsymynyń bastalýy qarsańynda Qyzylorda qalasyndaǵy birqatar nysandardy aralady, dep habarlaidy "Ult aqparat" Qyzylorda oblysy ákimdiginiń baspasóz qyzmetine silteme jasap.
Óńir basshysy aldymen «Qyzylordajylýelektrortalyǵynyń» Ońtústik bý qazandyǵynyń jylý maýsymyna daiyndyq jumystarymen tanysty. Atalǵan bý qazandyǵynyń jylý energiiasyn qaladaǵy 197-i kóp qabatty úi, 5 balabaqsha, 10 meditsinalyq mekeme, barlyǵy 763 nysan tutynady. Jylý qazandyǵy gazben jylytylady, rezervtik otyn retinde 644 tonna mazýt alynǵan. Jylytý qazandyǵy 10 qazanda tolyq iske qosylmaq. Aimaq basshysy daiyndyq jumystaryn der kezinde aiaqtap, qala turǵyndaryn ýaqytyly jylýmen qamtýdy qatań tapsyrdy.
Munan keiin G.Ábdiqalyqova Á.Bókeihanov kóshesinde «Nurly jer» baǵdarlamasy aiasynda júzege asyrylyp jatqan ÝT-15A magistraldy jylý jelilerin qaita qurý jobasyn nazarǵa aldy. Uzyndyǵy 1 567 metr jylý jelisin «Avangard» JShS qaita júrgizýde.
-«Pandemiia ýaqytynda biz turǵyndardyń densaýlyǵyna asa mán berýimiz qajet. Qazirgi ýaqytta kún sýyp keledi. Sondyqtan qala halqyna der kezinde jylý berip, olardyń «tumaý» sekildi aýrýlarǵa shaldyǵýynyń aldyn alaiyq. Ol úshin merdiger mekeme osy jumysty 10 qazanǵa deiin aiaqtap, qalalyqtardyń tońbaýyna jumys jasaýy tiis» - dedi óńir basshysy.
Sondai-aq oblys ákimi №15 Avtonomdy blokty-modýldi qazandyǵynyń jumysyn da kórdi. «Arai-2» shaǵyn aýdanynda ornalasqan «Qyzylordajylýelektrortalyǵyna» qarasty qazandyq 2015 jyly paidalanýǵa berilgen. Qazandyq osy aýdandaǵy 19 kópqabatty úidi jylýmen qamtamasyz etedi.
Syrdariianyń sol jaǵalaýyndaǵy úilerdi jylýmen qamtamasyz etetin avtonomdy blokty-modýldi qazandyǵynyń qurylysy da 15 qazanǵa deiin tolyq aiaqtalady dep josparlanýda. Búginde syiymdylyǵy 2 dana sý qoimasynyń qurylys-montaj jumystary, qazandyqqa qajetti joǵarǵy qysymdy gaz qubyrlaryn, aýyz sý qubyrlaryn tartyp, qazandyqty montajdaý, ǵimarattyń ishki bólmelerin salý, morjalarynyń montajdaý jáne ishki qubyrlaryn júrgizý jumystary júrgizilgen.
Kelisimshart boiynsha qurylysty aiaqtaý jeltoqsan aiy dep belgilengenmen, merdiger mekeme jylý maýsymynyń bastalýyna deiin jumysty tolyq oryndaityndyǵyn jetkizdi. Aimaq basshysy qazandyq qurylysyn sapaly aiaqtap, sol jaǵalaýdaǵy 32 kópqabatty úi men 2 áleýmettik nysandy der kezinde jylý júiesine qosýdy tapsyrdy.
Oblys ákimi G.Ábdiqalyqova «Qyzylordajylýelektrortalyǵyna» da bardy. Ortalyqtyń biylǵy jylytý maýsymyna negizgi jabdyqtaryn daiyndaý maqsatynda «Jumyspen qamtý 2020 Jol kartasy» baǵdarlamasy sheńberinde 1022 mln. teńge bólindi. Osynyń arqasynda 156 adam jumysqa ornalasty. Atalmysh jylýmen jabdyqtaý aimaǵynyń jylý energiiasyn 995 nysan tutynady. Onyń ishinde 365 kópqabatty úi, 29 mektep, 13 balabaqsha, 9 meditsinalyq mekemeni jylýmen qamtamasyz etedi. Sonymen qatar, qýaty 113,2 Mvt elektr energiiasyn óndiredi.
Aimaq basshysy budan ári salynyp jatqan 200 orynǵa arnalǵan modýldik úlgidegi juqpaly aýrýlar aýrýhanasynyń qurylysymen tanysty. Aýrýhana qazan aiynyń sońyna deiin tolyq iske qosylady dep josparlanǵan. G.Ábdiqalyqova pandemiia ýaqytynda emdeý memekeleri barlyq jaǵdaiǵa daiyn bolyp, esh bosańsýǵa bolmaityndyǵyn eskertti.
