QR Premer-ministriniń orynbasary Gúlshara Ábdiqalyqova BQO-ǵa jumys sapary barysynda Báiterek aýdanynda boldy, dep habarlaidy QazAqparat tilshisi.
Úkimet basshysynyń orynbasary QR Eńbek jáne halyqty áleýmettik qorǵaý ministri Berdibek Saparbaevpen jáne óńir basshysy Altai Kólginovpen birge aýdan ortalyǵy Peremetnyi aýylyndaǵy Ońǵarbai Abylaevtyń sharýashylyǵynda boldy.
Mal sharýashylyǵymen ainalysatyn Abylaevtar otbasy bes balany tárbielep otyr.
Mártebeli meimandar otanasy Gúlshat Imanqulqyzynyń ieligindegi «Jansaia» jeke kásipkerliginiń tynys-tirshiligimen tanysty.
Úidiń aýlasynda ornalasqan tsehta sút ónimderinen túrli taǵamdar daiyndalady. Munda qurt jasaityn stanok ta bar.
Ońǵarbai Abylaevtyń sózine qaraǵanda, ózderi 2008 jyly Ózbekstannan kóship kelgen. Zaiyby Gúlshat Muratqazievamen birge «Jumyspen qamtý - 2020» baǵdarlamasy aiasynda qarjyǵa qol jetkizip, eńbek etken. Qazirgi kezde 8-9 bas iri qaranyń ónimin óndirip, satýda. Súttiń litri 200 teńgeden, ettiń kelisi 1500 teńgeden ainalady.
Kásipkerlik 5-synypta oqityn Jansaianyń esimimen atalǵan. Ol - oqý ozaty. Eńbekqor qyz qoly tigende, anasyna kómektesedi. Kúnine tórt ústel taqtaishasynda qurt jasaidy.
Úkimet músheleri Abylaevtar otbasynyń eńbekqorlyǵyna riza bolyp, Astanadan alyp kelgen dámderin usyndy. Al Berdibek Saparbaev Gúlshattyń qolynan qurt satyp aldy.
Qonaqtar jeke kásipkerliktiń jyly da jaryq qorasynda da bolyp, siyr men buzaýlardyń jai-kúiine nazar aýdardy.
Vitse-premer bastaǵan top sapar barysynda Báiterek aýdandyq jumyspen qamtý ortalyǵynda bolyp, aqsaqaldarmen júzdesip, olardy Kórisý kúnimen quttyqtady.
Gúlshara Ábdiqalyqova sapar maqsaty Elbasy tapsyrmasyna sáikes qolǵa alynǵan jańa áleýmettik sharalardy el-jurtqa tanystyrý, az qamtylǵan jáne kópbalaly otbasylardyń jai-kúiin kózben kórip, qordalanǵan máselelerdiń sheshilýine tikelei atsalysý ekendigin atap ótti.
Aita keteiik, aýdandyq jumyspen qamtý jáne áleýmettik baǵdarlamalar bóliminen alynǵan málimetke qaraǵanda, kúni búgin Báiterekte 87 otbasyǵa jańa turpattaǵy ataýly áleýmettik kómek taǵaiyndaldy. Aldaǵy 1 sáýirden bastap 450 otbasy qosylmaq. Aýdan boiynsha 756 kópbalaly otbasyǵa áleýmettik karta jasaldy.
Úkimet músheleri sondai-aq Oral qalasyndaǵy birneshe kópbalaly otbasynda bolyp, jaǵdailaryn surap bildi.
Gúlshara Ábdiqalyqova sonyń ishinde jylqy ustap, qymyz óndirýmen ainalysatyn qala turǵyny Aqylbek Ishanovtyń qolǵa alǵan kásibine den qoidy.
Kishkentaiynan atqumar bolyp ósken A. Ishanov ótken jyly «Ishanov» jeke kásipkerligin qurǵan bolatyn. Ondaǵy maqsaty jylqynyń myń bir dertke em saýmalymen qymyzyn keńinen nasihattap, ulttyq sýsynymyzdy ər qazaqtyń dastarhanyna jetkizý, sondai-aq jylqymen serýendeý arqyly emdelý, jylqyǵa qatysty ulttyq sport túrlerin damytý, atqa minýdi qala qazaqtary ómiriniń ajyramas bir bóligine ainaldyrý edi.
«Baǵytymyz aiqyn, suranystyń bar ekenine az ýaqytta kóz jetkizdik. Saýmal em bolyp, aýrýdyń nebir asqynǵan túrlerinen beti beri qaraǵan jandar boldy,qalamyzdaǵy tirek-qimyly buzylǵan balalarǵa tegin ippoterapiia qyzmetin kórsettik. Degenmen qalada mal ustaýdyń óz qiyndyǵy jetip artylady. Bul kəsipti dóńgeletýdiń túrli joldaryn kórip tursaq ta, biznestiń damýy kóp qarajatty talap eteri aitpasa da túsinikti. Biz jai ǵana bilim salasynda qyzmet ete júrip, osy kəsipke alǵashqy jarnamyzdy quia bastadyq. Ótken jyly jańadan is bastaityn kəsipkerlerge beriletin tegin grantty ielendik. Alaida oǵan tek kəsipke arnalǵan qural-jabdyqtar alýǵa ruqsat etildi. Endigi maqsatymyz - jylqy basyn kóbeitip, kəsipti keńeitý. Qala shetinen emdik-saýyqtyrý keshenin turǵyzý.Osyndai oi-pikirlerimizge qulaq asqan Gúlshara Əbdiqalyqova kəsipkerlik úshin ərqashan qoldaý bolatynyn jetkizdi. Óz kezeginde óńir basshysy Altai Kólginov arnaiy qabyldap, məselemizdi ońynan sheshýge ýəde etti», dedi A.Ishanovtyń zaiyby Aqmonshaq Maqsotqyzy.
