Fotokollaj: Azattyq Rýhy
Gúlmira Satybaldy ózine qatysty qylmystyq is boiynsha jábirlenýshi Tursenǵali Alagózovpen qandai qarym-qatynasta bolǵanyn aitty, dep habarlaidy Halyq Uni saity.
«2021 jyly maǵan burynǵy kúieýim (Qairat Satybaldy – avt.) habarlasyp, Alagózovtiń kompaniianyń negizin qalaýshy bolǵanyn aityp, onyń atynan ótinish jasady. Ony basqarýshy retinde qabyldaý kerek ekenin aitty. Sondai-aq onyń aktsiianyń kei bóligin keiin satyp alatynyn jetkizdi. Aralarynda qandai kelisim bolǵanyn bilmeimin. Qairat Tursenǵali Alagózov aktsionerlik qoǵamyn (AQ) tartyp aldy dep shaǵymdanǵany týraly eshqashan aitqan emes. Kerisinshe Alagózov meni «qutqarýshy» dep atady. Ol maǵan óte riza boldy», - dedi Gúlmira Satybaldy.
Aitýynsha, basqarýshy qyzmetke kelgen soń Alagózov AQ-ǵa aqsha salmai, qarajatty jarata bastaǵan.
«AQ basshy men basqarýshysyz qaldy. Al Alagózov sol kezde shetelde uialmai-qyzmarmai jańa áielimen birge demalysta júrdi. Kompaniiada áleýmettik shielenis kúsheidi: qyzmetkerlerge jalaqy tólenbedi. Al Alagózov sol ýaqytta Birikken Arab Ámirlikterinde (BAÁ) demalyp, jeke ómirin Instagram jelisinde jariialap otyrdy. Qaýipsizdik qyzmeti kezekti ret maǵan habarlasyp, qyzmetkerlerdiń ereýilge shyqqanyn habarlady. Sol kezde Alagózovke habarlasyp, ádemi ómirin kórsetken jelidegi fotosyn alyp tastaýdy suradym», - dedi ol sotta.
Buǵan deiin Gúlmira Satybaldy Tursenǵali Alagózovtiń kompaniiasyn tartyp almaǵanyn aitqan edi.
Eske salaiyq, Gúlmira Satybaldyǵa qylmystyq kodekstiń 389-babynyń 3 jáne 4 bóligi (ózinshe bilik etý), 28-babynyń 3-bóligi 1 jáne 8 tarmaǵy (adamdardy paidalaný arqyly qylmystyq quqyq buzýshylyq jasaǵan adam oryndaýshy dep tanylady), 125-babynyń 2-bóliginde (adamdar tobynyń aldyn ala sóz bailasýy arqyly jáne paidakúnemdik nietpen adamdy urlaý) kórsetilgen qylmysty jasady degen aiyp taǵylǵan.
