Foto: elements.envato.com
Búgin eks-prezident Nursultan Nazarbaevtyń nemere inisi Qairat Satybaldynyń burynǵy áieli Gúlmira Satybaldyǵa qatysty sot úkimi shyqty, - dep habarlaidy "Ult aqparat".
QazAqparat agenttiginiń jazýynsha, is №2 Baiqońyr aýdandyq sotynda qaralǵan.
«Gúlmira Satybaldy Qylmystyq kodekstiń 389-baby 4-bóligi boiynsha quqyq buzýshylyq jasaǵany úshin kináli dep tanylsyn jáne 6 jyl bas bostandyǵynan aiyrý túrindegi jaza taǵaiyndalsyn. Sonymen qatar, Gúlmira Satybaldy Qylmystyq kodekstiń 28-baby 3-bóligi 1,8-tarmaǵy jáne osy baptyń 125-bóliginiń 2-tarmaǵy boiynsha quqyq buzýshylyq jasaǵany úshin kináli dep tanylsyn jáne 7 jylǵa bas bostandyǵynan aiyrý túrindegi jaza taǵaiyndalsyn», - dedi sýdia Kemeńger Imashev úkimdi oqi otyryp.
Sýdia G. Satybaldyǵa Qylmystyq kodekstiń 58-baby 3-bóligi negizinde barynsha qatań jaza taǵaiyndalǵanyn aitty.
«Gúlmira Satybaldyǵa 7 jylǵa bas bostandyǵynan aiyrý túrindegi jaza taǵaiyndalsyn. Qylmystyq kodekstiń 49-baby negizinde Prezidentke memlekettik nagrada - «Qurmet» ordeninen aiyrý týraly usynys engizilsin», - delingen sot úkiminde.
Buǵan deiin Antikor Gúlmira Satybaldyǵa qatysty kásiporyndardyń qatysý úlesterin zańsyz iemdený, sonyń ishinde adam urlaýmen ushtasqan eki fakti boiynsha tergeý aiaqtalǵanyn málimdegen edi.
Jábirlenýshige keltirilgen zalal somasy 6,6 milliard teńgeden asady. Tergeý kezinde aiyptalýshy memleketke 8 mln dollar kólemindegi qarjyny qaitardy.
Gúlmira Satybaldy, onyń baqylaýyndaǵy "Ariia-Jańa Astana" JShS kompaniiasynyń basshylyǵy jáne memlekettik organdardyń laýazymdy tulǵalary obektilerdi salýǵa bólingen biýdjet qarajatyn urlady degen kúdikke ilindi.
Prokýror oǵan múlkin tárkileýsiz segiz jylǵa bas bostandyǵynan aiyrý jazasyn suraǵan bolatyn.
