Astanada jeksenbide Qazaqstan men Polsha quramalarynyń arasynda ótken oiyn qyrkúiek aiyndaǵy álem chempionaty-2018 kvalifikatsiialyq kezeńiniń eń qyzyq matchtarynyń ondyǵyna kirdi, - dep jazady The Guardian basylymy.
"Polsha men Qazaqstan quramasynyń oiynshylary osynshalyq básekelestik kórsetedi dep kim oilady?", - dep jazady basylym. Sondai-aq, basylymnyń málimetinshe, bul oiyn soǵylǵan goldarmen ǵana emes, sary qaǵazdardyń sanymen de erekshelenedi. (Polshada tórteý, al Qazaqstanda altaý).
"Robert Levandovski budan da qatań jazalanýy tiis edi, biraq tóreshi ony keshirdi. "Bavariia" komandasynyń fýtbolshysy Eldos Ahmetovty shyntaǵymen uryp, alańnan ketirý úshin bar múmkindikti jasady. Levandovski básekelesine soqqy jasaǵysy kelmegen shyǵar. Kezdeisoq osylai da bolyp qalǵan shyǵar. Biraq ol Baýyrjan Islamhandy moinynan ustap alǵan sátti aityp túsindirý qiyn. Al keiinirek Kamil Glik Baýyrjan Islamhandy tipti tóreshiniń kózinshe teýip turǵyzbaqshy boldy", - dep keltiredi Vesti.kz.
Sonymen qatar, Guardian basylymy oiyndaǵy mundai ersi qylyqtardyń sebebi dep Artýr Borýtstyń jazbasyn atap ótedi. Match aldynda Polsha quramasynyń qaqpashysy Instagram jelisindegi paraqshasyna Borattyń sýretin júktegen bolatyn.
