Astanada Halyqaralyq mamandandyrylǵan EKSPO-2017 kórmesi aiasynda Qytaidyń eń iri provintsiialarynyń biri – Gýandýn provintsiiasynyń aptalyǵy ashyldy.
Ashylý saltanatyna aspan asty elinen 300-ge tarta delegatsiia keldi. Olardyń qatarynda Gýandýn provintsiiasynyń bas hatshysynyń orynbasary Li I Vei de bar.
Gýandýn provintsiiasynyń bas hatshysynyń orynbasary: «Biz EKSPO-2017 kórmesine belsene qatysýǵa niettimiz. Gýandýn provintsiiasynyń aptalyǵy aiasynda Qazaqstan men Qytaidyń iskerlik qarym-qatynasyn arttyra túsetin birneshe shara ótkizýdi josparlap otyrmyz. Sizder usynǵan «Bolashaqtyń energiiasy» atty taqyryby Qytaidyń jasyl ekonomikalyq damýy tujyrymdamasymen tyǵyz bailanysty», - dedi quttyqtaý sózinde.
Li I Vei myrza «Kezdesý úshin myń shaqyrym jerden shyn dostar ǵana keledi» degen qytai támsilin de tilge tiek etip, eki eldiń dostyǵyna mańyz bere ketti.
Sondai-aq ol aldaǵy is-sharalar barysynda óńirdegi energiianyń jańa kózderi, zamanaýi jańa tehnologiialar jáne zertteý ádis-tásilderiniń sońǵy jetistikteri kórme kelýshilerine usynylatynyn atap ótti.
Qazaqstan investitsiialyq yntymaqtastyq agenttiginiń bas direktory Aidyn Baiedilov: «Bizdiń Elbasy men Qytai eliniń basshysy óz elindegi óńirlerdiń damýyna kóńil bólip keledi. Gýandýn provintsiiasy sekildi qarym-deńgeii joǵary aimaqpen yntymaqtastyq ornatqanymyz úshin qýanyshtymyz», - deidi.
Shara barysynda qos memlekettiń ókilderi ózara qarym-qatynasty damytý maqsatyndaǵy birqatar kelisimshartqa qol qoidy.
Ashylý saltanaty barysynda gýandýndyq ónerpazdar da óner kórsetip, qonaqtar kóńilin bir serpiltip tastady.
Aita ketsek, Qytaidyń ońtústik-shyǵysyndaǵy sýbtropikte ornalasqan Gýandýn provintsiiasy – ejelgi teńiz «Jibek jolynyń» mańyzdy núktesi. Aýmaǵy – 177,9 myń sharshy shaqyrym.
Astana men Gýandýn ókilderine tájiribe almasyp, áriptestik ornatý úshin perspektivalyq baǵyt – týrizm salasy. Astananyń Gýandýnmen dostyq bailanys ornatýy saýda-ekonomikalyq, mádeni jáne bilim salalarynda úlken múmkindikterge jol ashady.
Provintsiianyń ákimshilik ortalyǵy – Gýanchjoý qalasy. Gýandýn prvintsiiasynyń tarihy, mádenieti jáne tili basqa da aýdandarmen aiyrmashylyǵy óte kóp. Sońǵy ýaqytta Gýandýn ekonomikasy qarqyndy damyp keledi.
Provintsiianyń 3368 shaqyrym qurlyqtyq jelisi bar jáne teńiz biologiialyq resýrstarǵa óte bai. Teńiz qairańynda munai óndirisi de jolǵa qoiylǵan. Ózge de paidaly qazbalar arasynda germanii, vismýt, talii, tantal, selen syndy sirek kezdesetin metalldardyń ken orny asa úlken mańyzǵa ie. Gýandýnda Shenchjen, Chjýhai, Shantoý atty Qytaidyń úsh arnaiy ekonomikalyq aimaǵy bar. Gonkongpen jáne Makaomen kórshiles ornalasýy da provintsiianyń ekonomikalyq damýyna oń yqpalyn tigizedi. Qazirgi ýaqytta Gýandýn JIO kólemi boiynsha QHR provintsiialarynyń aldyńǵy ornynda tur.
