Grýziia quramasynyń fýtbolshysy Elgýdja Lobjanidze biyl Qyzylordanyń «Qaisar» komandasynda oinaidy, dep habarlaidy "Ult aqparat" klýbtyń baspasóz qyzmetine silteme jasap.
Elgýdja Lobjanidze 1992 jyldyń 17 qyrkúieginde Grýziia astanasy - Tbilisi qalasyna dúniege kelgen. Óz elinde 2012 jyly «VIT-Djordjiia» komandasynda alǵash ret kásibi fýtbolǵa qadam jasaǵan ol, odan keiingi kezeńde sol memlekettiń «Shýkýra», «Dinamo» (Batými), «Metallýrg», Reseidiń «Orenbýrg» klýbtarynyń namysyn qorǵady. Byltyr qazaqstandyq «Taraz» komandasynda 24 márte jasyl alańǵa shyǵyp, nátijesinde qarsylastar qaqpasyna 8 gol soqqan.
Aita keteiik, «Qaisar» 3-27 qańtar aralyǵynda Túrkiianyń Antaliia qalasynda alǵashqy oqý-jattyǵý jiynyn ótkizedi. Qazir komandada qazaqstandyq fýtbolshylarmen birge Reseiden Aleksei Shýmskih, Ýkrainadan Rizvan Ablitarov, Mozambikten Rejinaldo Faife, Portýgaliiadan Nani, Kabo-Verde elinen Elvin Fortes synaqtan ótýde.
Búgingi deiin «Qaisar» qorǵaýshylar - Eldos Ahmetovpen jáne Baǵdat Qaiyrovpen kelisimshartqa otyrdy.
