Grýziia 1 maýsymnan bastap sheteldik azamattar úshin qurlyqtaǵy shekarany ashady, dep habarlaidy "Ult aqparat" Grýziia jańalyqtary portalyna silteme jasap.
Bul sheshimdi búgin, 25 mamyr kúni Grýziia úkimet músheleri, sondai-aq epidemiologtar men dárigerlerden turatyn vedomstvoaralyq úilestirý keńesi qabyldady.
Endi Grýziiaǵa koronavirýsqa qarsy vaktsinanyń tolyq kýrsyn alǵany týraly qujaty men teris nátije kórsetken PTR testiden ótkeni týraly anyqtamasy bar sheteldik azamattar kire alady.
Nemese, tek PTR test ótkeni jaiynda anyqtamamen kirýge bolady, biraq bul jaǵdaida Grýziiaǵa kelgen azamat aldaǵy 72 saǵatta taǵy bir PTR test tapsyrýy tiis.
Koronavirýs pandemiiasyna bailanysty Grýziia qurlyqtaǵy jáne áýedegi shekarasyn 2020 jyldyń aqpan aiynda jaýyp tastaǵan.
Bir jyldan keiin, 2021 jyldyń aqpanynda el turaqty áýe qatynasyn jańartty.
