Búgin Parlament Senatynyń jalpy otyrysynda «Qazaqstan men Eýropa Keńesi arasyndaǵy Sybailas jemqorlyqqa qarsy memleketter toby ókilderiniń jáne baǵalaýshy toptar músheleriniń (GREKO) artyqshylyqtary men immýnitetterine qatysty kelisimdi ratifikatsiialaý týraly» Zańy qabyldandy, dep habarlaidy QazAqparat.
Atalǵan kelisimge Strasbýrg qalasynda 2019 jylǵy 15 qazanda qol qoiyldy.
Engizilip otyrǵan zań jobasy baǵalaýdy daiyndaý men júrgizýge bailanysty fýnktsiialardy oryndaý barysynda GREKO músheleriniń ókilderi men baǵalaý toptarynyń músheleri mynadai artyqshylyqtar men immýnitetterdi paidalanady:
Birinshiden, jeke basyn qamaýdan nemese ustaýdan immýnitetti, sondai-aq aitqandary men jazǵandaryna jáne resmi túrde ózi jasaǵan barlyq áreketterge qatysty qylmystyq, azamattyq, ákimshilik quzyretine immýnitetti paidalanady.
Ekinshiden, eger bul memlekettik qaýipsizdik maqsatynda kirýge tyiym salynatyn nemese retteletin aimaqtar týraly qaǵidalarǵa qaishy kelmegen jaǵdaida, olardyń fýnktsiialaryn oryndaý úshin memlekettiń aýmaǵynda júrip-turý erkindigin, onyń aýmaǵyna kirýin jáne memleketten shyǵýy qamtamasyz etilýge tiis. Biraq, aita ketetin jait, kórsetilgen tulǵalar qylmys jasaǵan kezinde nemese birden jasalǵannan keiin ustalǵan jaǵdaida ol qamaýǵa alýdan jáne sot qýdalaýynan bosatylmaidy.
«Taǵy bir mańyzdy másele – atalǵan immýnitetter tek resmi tulǵa, iaǵni Eýropa Keńesiniń resmi ókili retinde jasaǵan áreketterdi kózdeidi. Eger GREKO-nyń ókili Qazaqstanda júrip jeke tulǵa retinde kez kelgen qylmys jasaǵan jaǵdaida eshqandai immýnitetter qoldanylmaidy. Kináli tulǵa jaýapqa tartylatyn bolady. Sonymen qatar, eger berilgen immýnitter sot tóreligin júzege asyrýǵa kedergi keltiretin bolsa, atalǵan immýnitetterden bas tartý protsedýrasy kózdelgen. GREKO-ǵa qosylý eýropalyq elderdiń tájiribesine negizdelgen. GREKO-nyń usynystary arqyly ulttyq sybailas jemqorlyqqa qarsy zańnamany jetildirýge, múshe elderdiń quzyretti organdarymen tiimdi yntymaqtastyqty damytýǵa yqpal etedi», - dedi QR Sybailas jemqorlyqqa qarsy is-qimyl agenttigi tóraǵasynyń birinshi orynbasary Oljas Bektenov.
Onyń sózine qaraǵanda, GREKO-ǵa qosylý Eýropa Keńesiniń sybailas jemqorlyq úshin qylmystyq jaýapkershilik týraly konventsiiasyn ratifikatsiialaýǵa jol ashady. Bul óz kezeginde qylmyskerlerdi ekstraditsiialaý, olardyń zańsyz tapqan múlkin qaitarý máseleleri boiynsha Eýropa elderimen yntymaqtastyqty kúsheitýge múmkindik beredi.
