بٷگٸن پارلامەنت سەناتىنىڭ جالپى وتىرىسىندا «قازاقستان مەن ەۋروپا كەڭەسٸ اراسىنداعى سىبايلاس جەمقورلىققا قارسى مەملەكەتتەر توبى ٶكٸلدەرٸنٸڭ جەنە باعالاۋشى توپتار مٷشەلەرٸنٸڭ (گرەكو) ارتىقشىلىقتارى مەن يممۋنيتەتتەرٸنە قاتىستى كەلٸسٸمدٸ راتيفيكاتسييالاۋ تۋرالى» زاڭى قابىلداندى, دەپ حابارلايدى قازاقپارات.
اتالعان كەلٸسٸمگە ستراسبۋرگ قالاسىندا 2019 جىلعى 15 قازاندا قول قويىلدى.
ەنگٸزٸلٸپ وتىرعان زاڭ جوباسى باعالاۋدى دايىنداۋ مەن جٷرگٸزۋگە بايلانىستى فۋنكتسييالاردى ورىنداۋ بارىسىندا گرەكو مٷشەلەرٸنٸڭ ٶكٸلدەرٸ مەن باعالاۋ توپتارىنىڭ مٷشەلەرٸ مىناداي ارتىقشىلىقتار مەن يممۋنيتەتتەردٸ پايدالانادى:
بٸرٸنشٸدەن, جەكە باسىن قاماۋدان نەمەسە ۇستاۋدان يممۋنيتەتتٸ, سونداي-اق ايتقاندارى مەن جازعاندارىنا جەنە رەسمي تٷردە ٶزٸ جاساعان بارلىق ەرەكەتتەرگە قاتىستى قىلمىستىق, ازاماتتىق, ەكٸمشٸلٸك قۇزىرەتٸنە يممۋنيتەتتٸ پايدالانادى.
ەكٸنشٸدەن, ەگەر بۇل مەملەكەتتٸك قاۋٸپسٸزدٸك ماقساتىندا كٸرۋگە تىيىم سالىناتىن نەمەسە رەتتەلەتٸن ايماقتار تۋرالى قاعيدالارعا قايشى كەلمەگەن جاعدايدا, ولاردىڭ فۋنكتسييالارىن ورىنداۋ ٷشٸن مەملەكەتتٸڭ اۋماعىندا جٷرٸپ-تۇرۋ ەركٸندٸگٸن, ونىڭ اۋماعىنا كٸرۋٸن جەنە مەملەكەتتەن شىعۋى قامتاماسىز ەتٸلۋگە تيٸس. بٸراق, ايتا كەتەتٸن جايت, كٶرسەتٸلگەن تۇلعالار قىلمىس جاساعان كەزٸندە نەمەسە بٸردەن جاسالعاننان كەيٸن ۇستالعان جاعدايدا ول قاماۋعا الۋدان جەنە سوت قۋدالاۋىنان بوساتىلمايدى.
«تاعى بٸر ماڭىزدى مەسەلە – اتالعان يممۋنيتەتتەر تەك رەسمي تۇلعا, ياعني ەۋروپا كەڭەسٸنٸڭ رەسمي ٶكٸلٸ رەتٸندە جاساعان ەرەكەتتەردٸ كٶزدەيدٸ. ەگەر گرەكو-نىڭ ٶكٸلٸ قازاقستاندا جٷرٸپ جەكە تۇلعا رەتٸندە كەز كەلگەن قىلمىس جاساعان جاعدايدا ەشقانداي يممۋنيتەتتەر قولدانىلمايدى. كٸنەلٸ تۇلعا جاۋاپقا تارتىلاتىن بولادى. سونىمەن قاتار, ەگەر بەرٸلگەن يممۋنيتتەر سوت تٶرەلٸگٸن جٷزەگە اسىرۋعا كەدەرگٸ كەلتٸرەتٸن بولسا, اتالعان يممۋنيتەتتەردەن باس تارتۋ پروتسەدۋراسى كٶزدەلگەن. گرەكو-عا قوسىلۋ ەۋروپالىق ەلدەردٸڭ تەجٸريبەسٸنە نەگٸزدەلگەن. گرەكو-نىڭ ۇسىنىستارى ارقىلى ۇلتتىق سىبايلاس جەمقورلىققا قارسى زاڭنامانى جەتٸلدٸرۋگە, مٷشە ەلدەردٸڭ قۇزىرەتتٸ ورگاندارىمەن تيٸمدٸ ىنتىماقتاستىقتى دامىتۋعا ىقپال ەتەدٸ», - دەدٸ قر سىبايلاس جەمقورلىققا قارسى ٸس-قيمىل اگەنتتٸگٸ تٶراعاسىنىڭ بٸرٸنشٸ ورىنباسارى ولجاس بەكتەنوۆ.
ونىڭ سٶزٸنە قاراعاندا, گرەكو-عا قوسىلۋ ەۋروپا كەڭەسٸنٸڭ سىبايلاس جەمقورلىق ٷشٸن قىلمىستىق جاۋاپكەرشٸلٸك تۋرالى كونۆەنتسيياسىن راتيفيكاتسييالاۋعا جول اشادى. بۇل ٶز كەزەگٸندە قىلمىسكەرلەردٸ ەكستراديتسييالاۋ, ولاردىڭ زاڭسىز تاپقان مٷلكٸن قايتارۋ مەسەلەلەرٸ بويىنشا ەۋروپا ەلدەرٸمەن ىنتىماقتاستىقتى كٷشەيتۋگە مٷمكٸندٸك بەرەدٸ.
