Qazaqstannyń Grekiiadaǵy Elshisi Aleksei Volkov Shymkent qalasynda dúniege kelgen jáne grek parlamenti músheleriniń arasynda eń jas depýtat Mariia Apatzidimen kezdesti, dep habarlaidy "Ult aqparat" QR SIM baspasóz qyzmetine silteme jasap.
Áńgime barysynda taraptar ekijaqty qarym-qatynastardyń qazirgi ahýaly men damý keleshegin talqylady. Elshi grek depýtatyn elimizde júrgizilip jatqan qoǵamdyq-saiasi reformalarmen, Tuńǵysh Prezident - Elbasy Nursultan Nazarbaevtyń bastamalarymen, sondai-aq 2021 jylǵy 10 qańtarda ótetin Májilistiń kezekti sailaý aldyndaǵy naýqan barysymen jáne onyń ereksheligimen tanystyrdy.
Óz kezeginde M. Apatzidi Qazaqstan men Grekiia arasyndaǵy yntymaqtastyqty, onyń ishinde parlamentaralyq dialog arqyly jandandyrý qajettiligilimen kelisti. Depýtat Qazaqstannyń týmasy bola otyryp, ótken ǵasyrdyń sońynda tarihi otanyna oralǵan grekterdiń arasynda Qazaqstanǵa jáne elde bolyp jatqan áleýmettik-ekonomikalyq, saiasi, mádeni úderisterge qyzyǵýshylyqtyń artyp jatqanyn atai otyryp, eki el arasynda týristter almasýdy keńeitýdiń joǵary áleýetine nazar aýdardy.
Sonymen qatar, depýtat eki el arasyndaǵy yntymaqtastyqty odan ári keńeitý jónindegi bastamalardy qoldaýǵa óziniń yntaly ekendigin bildirdi. Osyǵan rastaý retinde Qazaqstan Respýblikasynyń Mádeniet jáne sport ministrligi men Grek Respýblikasynyń Týrizm ministrligi arasyndaǵy Týrizm salasyndaǵy yntymaqtastyq týraly memorandýmdy Grekiia Parlamentiniń plenarlyq otyrysynda maquldaý barysynda ózi múshesi bolyp tabylatyn «MeRA-25» partiiasynyń tolyq qoldaý bildirgenin keltirdi.
Kezdesý sońynda taraptar bailanystardy jalǵastyrýǵa ýaǵdalasyp, keń aýqymdy máseleler boiynsha Qazaqstan men Grekiia arasyndaǵy qarym-qatynastardy odan ári nyǵaitýǵa baǵyttalǵan birlesken jumystardyń keleshegin belgiledi.
