Grekiiada Shinos, Vamvakes, Agia Sotira, Mavrolimni, Mazi jáne Paraskevas atty alty eldi meken men eki monastyrdyń turǵyndary sársenbi kúni túnde Grekiianyń Peloponnes aimaǵynyń soltústigindegi kýrorttyq qalalardyń biriniń ormanynda bastalǵan alapat órtten evakýatsiialandy, dep habarlaidy Kathimerini.
Birneshe úi otqa orandy. Órtengen úilerdiń naqty sany kórsetilmegen.
Jergilikti biliktiń habarlaýynsha, jalyn 10 shaqyrymnan astam aýmaqty sharpydy. Beisenbi kúni tańerteń órtten paida bolǵan tútin Afinyǵa jetti. Politsiia Magaron-Alepohori baǵytyndaǵy joldy jaýyp tastady.
Tilsiz jaýmen 182-ge jýyq maman arpalysyp jatyr. 62 órt sóndirý kóligi, 17 ushaq jáne úsh tikushaq jumyldyryldy. Lýtraki qalasynyń meri Georgos Ginis órttiń kórshi Alepohori teńiz kýrortyna qarai jaiylyp bara jatqandyǵyn málim etti.
