Grekiia biligi Lesbos aralynda bosqyndardyń Moriia lagerin órtep jiberdi degen kúdikke ilingen alty adam ustalǵanyn jariialady. Bul týraly Euronews agenttigi habarlady.
Ustalǵandardyń barlyǵy – Aýǵanstan azamattary, olardyń ishinde ekeýi kámelettik jasqa jetpegen. Órtten keiin olar qurlyqtyq Grekiiaǵa evakýatsiialandy. Qazir tergeý amaldary júrgizilip jatyr.
Lesbostaǵy órt oqiǵasynyń tergeý amaldarymen Azamattardy qorǵaý ministri Mihalis Hrisohoidis ainalysýda.
Lesbosta migranttarǵa arnalǵan jańa lagerdiń qurylys ornyna Eýropalyq Odaq tóraǵasy Sharl Mishel bardy. Ol Eýroodaqtyń Grekiiamen migranttar problemasyn sheshýge múddeli ekendigin mindetti túrde tanytatynyn málimdedi.
«Bul jaǵdai – aýyr ári kúrdeli. Biraq men EO atynan migratsiiamen bailanysty problemany nazardan tys qaldyrýǵa jol bermeitinimdi málimdegim keledi. Bul – bizdiń ortaq, eýropalyq problema», - dedi ol.
Seisenbi kúni Lesbostaǵy eń iri qala Mitilinide solshyl partiialar jáne kásipodaqtar uiymdastyrǵan demonstratsiia ótken. Demonstranttar qonys aýdarýshylar Eýropa elderine turaqtap, jańa ómir bastaýǵa múmkindik alýǵa tiis dep málimdedi.
