Grekiiada aýrý juqtyrýdyń jańa jaǵdailarynyń sanyn azaitý maqsatynda 12-15 jas aralyǵyndaǵy jasóspirimderge Pfizer/BioNTech jáne Moderna vaktsinalaryn egý josparlanyp otyr, dep habarlaidy Reuters agenttigi.
Grekiianyń vaktsinatsiia jónindegi komitet basshysy Mariia Teodoridýdyń aitýynsha, jasóspirimder arasyndaǵy vaktsinatsiia jastardyń osal tobyn tiimdi qorǵaýǵa, sondai-aq qyrkúiek aiynyń basyna deiin olardyń mektepterge tezirek oralýyna yqpal etedi.
11 millionǵa jýyq halqy bar Grekiiada vaktsinanyń birinshi komponentiniń 10,2 millionnan astam dozasy salyndy. Halyqtyń shamamen 46,8%-y tolyq vaktsinalanǵan.
Grek úkimeti kúzge qarai eldegi vaktsinatsiia deńgeiin 70% -ǵa paiyzǵa jetkizýdi josparlap otyr.
Ótken táýlikte elde koronavirýs juqtyrýdyń 2070 jańa jaǵdaiy jáne 5 ólim jaǵdaiy tirkelgen. Grekiiadaǵy aýrýǵa shaldyqqandardyń jalpy sany – 477 975 adam. Pandemiia bastalǵaly elde 12903 adam kóz jumǵan.
