Grekiia úkimeti vaktsinalaý kampaniiasyn jandandyrý boiynsha sharalar qabyldaýda, dep habarlaidy "Ult aqparat".
Dúisenbi kúni Grekiianyń premer-ministri Kiriakos Mitsotakis pandemiiamen kúres boiynsha jańa sharalar kesheni týraly jariialady.
Eýropadaǵy tanymal týristik baǵyttardyń biri retinde Grekiia da pandemiianyń tórtinshi tolqynynyń taralý qaýpine tap bolyp otyr.
Grekiia úkimetiniń basshysy qarttar úiindegi, jeke jáne memlekettik aýrýhanalardaǵy jergilikti meditsina qyzmetkerleri mindetti túrde COVID-19 vaktsinasyn alýy kerek dep málimdedi.
«El endi kei adamdardyń kózqarasyna bailanysty jabylmaidy. Qaýip Grekiiada emes, vaktsinalanbaǵan grekterde», - dedi K.Mitsotakis.
Vaktsina almaǵan Grekiianyń meditsina qyhmetkerleri 16 tamyzdan bastap jumystan shettetiledi.
Sondai-aq barlarǵa, kinoteatrlarǵa, teatrlarǵa jáne basqa da kóńil kóterý oryndaryna tek vaktsinalanǵan turǵyndar men týrister ǵana kire alady.
11 mln halqy bar Grekiiada qazirgi ýaqytta halyqtyń 41 %-y vaktsina saldyrǵan.
