Grek-Rim kúresinen U-17 Aziia chempionaty: Shámil Dosbol jeńimpaz atandy

Foto:olympic.kz

Kúres túrlerinen Iordaniia astanasy Ammanda ótip jatqan 17 jáne 23 jasqa deiingi sportshylar arasyndaǵy Aziia chempionatynda Qazaqstan balýandary joǵary nátije tirkedi, dep habarlaidy Olympic.kz. 

Grek-rim kúresinen 60 keli salmaqta beldesken Shámil Dosbol eki dúrkin Aziia chempiony atandy. 17 jasqa deiingi sportshylar arasynda beldesken ol týrnir barysyndy Qytai men Úndistan balýandaryn jeńip, finalda ózbek balýanymen teń tústi. Alaida, sońǵy nátijeli ádisti jasaǵandyqtan, jeńis qazaq sportshysyna berildi. 

Odan bólek, 92 kelidegi Ádilet Toishy kúmis medal ielense, Nurdáýlet Qumaruly (45 keli) men Edige Tóleýtaev (51 keli) qolaǵa qol jetkizdi.

Almat Kebispaev jattyqtyratyn grek-rim kúresinen U-17 quramasy jalpykomandalyq esepte 3-oryn ielendi.