Sibir ormanynan shyqqan órtten 13 myń ań japa shekken bolýy múmkin. Mundai derekti Greenpeace ekologiialyq uiymy jariialady.
Uiym dereginshe, órt sharpyǵan aýmaqta 5,5 bulǵyn, 300 aiý, 2,7 myńǵa jýyq sibir buǵysy jáne 1,5 myńdai bulan tirshilik etken. Ańnyń bir bóligi órtenip ketken bolýy múmkin, basqa bir bóligi ózge aimaqtarǵa bosqan.
"Iri jyrtqysh ańdar men tuiaqtylar, ádette órtten qashyp úlgeredi. Jyrtqysh qustar men aǵashqa uiat salatyndar órtenip ketedi. Sýsar tuqymdastar ottan tyǵylyp qalýy múmkin, biraq olai etse tútinge tunshyǵyp qalady. Ańdar tiri qalǵannyń ózinde qatty zardap shegedi. Sebebi ómir súretin ortalary birneshe jylǵa joiylyp ketti" deidi Irkýtsk memlekettik agrarlyq ýniversiteti bioekologiia kafedrasynyń dotsenti Aleksandr Kondratov.
Tamyzdyń basynda Sibirdegi orman órtiniń aýmaǵy úsh million gektarǵa jýyqtaǵan. NASA dereginshe, órt tútini Aliaska men Kanadaǵa jetken. Bilik órtti sóndirýge "tym kóp shyǵyn ketedi" dep áýeli otty óshirýge áreket qylmaǵan. Biraq belsendiler men halyqaralyq uiymdar synynan soń Máskeý "órttiń oshaqtaryn sóndirýge kirisken".
