Greenpeace uiymynyń Reseidegi bóliminiń dereginshe, Sibir aimaǵynda bes million gektar orman órtengen.
Uiym «2019 jyly Reseide órt sharpyǵan ormannyń aýmaǵy rekordtyq kórsetkishke jetedi» dep boljaidy.
Greenpeace esebinshe, Resei biliginiń orman órtine qatysty kórsetken deregi tómendetilgen. Máskeýdiń resmi deregi boiynsha, Sibirde úsh million gektar orman órtengen. Greenpeace Resei órtenip jatqan ormannyń tek 9 paiyzyn sóndirip jatyr dep esepteidi.
Ekologtar ormandaǵy órttiń tútini «49 million kólikten shyǵatyn gazben teń, bul klimattyń ózgerýine áser etedi. Milliondaǵan janýar tirshilik ortasynan aiyrylady» dep alańdaidy. Olar Resei biligin ormandaǵy órtti sóndirýge jetkilikti qarjy bólýge shaqyrady.
Tamyzdyń basynda Krasnoiarsk ólkesiniń biligi ormandaǵy órtti sóndirý «ekonomikalyq turǵyda tiimsiz jáne ziian» dep málimdegen. Keiin ólke biligi Resei prezidenti Vladimir Pýtin men aimaq gýbernatory Aleksandr Ýsske halyqtyń senimin anyqtaý úshin júrgiziletin zertteýge 10 million rýbl (150 myń dollar) bóletinin habarlady.
