Burynǵy oqý-aǵartý ministri Ashat Aimaǵambetov memlekettik bilim grantyna ie bola almaǵan talapkerler men olardyń ata-analaryna qandai múmkindikter bar ekenin túsindirdi, dep habarlaidy ult.kz.
Onyń aitýynsha, negizgi grant tizimine enbei qalý – joǵary bilim alýǵa múmkindik tolyq jabyldy degen sóz emes. Talapkerler úshin qosymsha birneshe jol bar.
Aimaǵambetov eń aldymen jergilikti ákimdikter bóletin bilim granttaryna nazar aýdarýǵa keńes berdi. Onyń sózinshe, óńirlerde jergilikti biýdjet esebinen birneshe myń grant qarastyrylady.
Sondai-aq "Qazaqstan halqyna" qory usynatyn granttar da talapkerler úshin qosymsha múmkindik bola alady.
Eks-ministr keibir talapkerler túrli sebeptermen jeńip alǵan memlekettik grantynan bas tartatynyn da atap ótti. Mundai jaǵdaida bosap qalǵan granttar UBT nátijesine sáikes tizimde kelesi turǵan talapkerlerge berilýi múmkin.
Taǵy bir jol – joǵary oqý ornyna aqyly bólimge túsip, jaqsy oqý. Eger stýdenttiń GPA kórsetkishi joǵary bolsa, oqý barysynda bosap qalǵan grantqa aýysýǵa múmkindik bar. Budan bólek, keibir ýniversitetterdiń óz ishki granttary da bolady.
Ashat Aimaǵambetov "gap year" tásilin de balama retinde atady. Iaǵni talapker bir jyl qosymsha daiyndalyp, kelesi jyly UBT-ny qaita tapsyryp, grantqa talpyna alady. Ol mundai tájiribe óziniń de basynan ótkenin aitty.
Sondai-aq kolledjge túsý de tiimdi nusqalardyń biri ekenin jetkizdi. Kolledjderde grant sany kóp, al eńbek naryǵynda suranysqa ie tehnikalyq jáne kásiptik mamandyqtar jetkilikti. Keiin kolledj túlegi joǵary oqý ornyna túsip, bilimin jalǵastyra alady.
Aimaǵambetov talapkerlerge múmkindikterdi jiberip almaý úshin ýniversitetterdiń qabyldaý komissiialaryna habarlasyp, barlyq qoljetimdi granttar men baǵdarlamalar týraly naqty aqparat alýǵa keńes berdi.
Eske sala keteiik, 7 tamyzda Qazaqstanda 2026-2027 oqý jylyna arnalǵan memlekettik bilim berý granttary konkýrsynyń qorytyndysy jariialanǵan.
