Grammy júldesin tabystaý saltanaty koronavirýs pandemiiasyna bailanysty resmi túrde 2021 jyldyń naýryz aiynyń ortasyna aýystyryldy, dep habarlaidy CNN.
AQSh-tyń óner jáne dybys jazý tehnikasy akademiiasynyń, CBS jáne shoý prodiýserleriniń birlesken málimdemesinde úzdik mýzykanttardy marapattaý rásimi koronavirýs pandemiiasyna bailanysty 2021 jyldyń 14 naýryzynda jeksenbide ótedi dep kórsetilgen.
Atalǵan shara 31 qańtarda Los-Andjelestegi Staples Center-de ótýi tiis bolǵan. Al ony «The Daily Show» júrgizýshisi Trevor Noa júrgizýi kerek edi.
Sharany uiymdastyrýshylardyń málimdemesinde kórsetilgendei, Los-Andjelestegi COVID-19-ǵa bailanysty jaǵdaidyń nasharlaýy, onda aýrýhanalar, jansaqtaý bólimsheleri naýqastarǵa tolyp qalýy shoýdy keiinge qaldyrý týraly sheshim qabyldaýǵa májbúr etken. «Bizdiń mýzykalyq qaýymdastyq músheleriniń jáne shoý jasaý úshin tynymsyz jumys isteitin júzdegen adamnyń densaýlyǵy men qaýipsizdiginen mańyzdy eshteńe joq», - delingen habarlamada.
Málimdemede uiymdastyrýshylar barlyq talantty mýzykanttarǵa, qyzmetkerlerge, ásirese biylǵy jylǵy nominanttarǵa olardy túsingeni, shydamdylyǵy jáne erekshe jaǵdaida jumys istegeni úshin rizashylyǵyn bildirgen.
Ánshi Beionse, Dýa Lipa jáne Teilor Svift, sonymen qatar ánshi Roddi Richch biyl nominatsiialar sany boiynsha kósh bastap tur. Biyl Grammy statýetkalary 84 atalym boiynsha tabystalady.
Aita ketý kerek, 20 jastaǵy qazaqstandyq Imanbek Zeikenov (Imanbek) Roses SAINt JHN ánimen «Úzdik remiks» atalymynda Grammy-ge úmitkerlerdiń biri atandy.
