Qazaqstandyq Telegram-kanalda COVID-gospitaldar KVI-ǵa qarsy vaktsina alǵan jaǵdaiy aýyr jáne ólim aýzynda jatqan adamdarǵa toly ekendigi týraly habarlama paida boldy. Bul aqparatty QR Densaýlyq saqtaý ministrligi joqqa shyǵardy, dep habarlaidy stopfake.kz saity.
Qazaqstanda egilgen adamdar arasynda COVID-19 juqtyrý oqiǵalary tirkelip jatqany ras. Olardyń sany óte az.
– Qazaqstanda vaktsina alǵan 3 246 795 adamnyń 0.05%-y COVID-19-men aýyrǵan, – dep habarlady QR Densaýlyq saqtaý ministrligi.
Sondai-aq, vedomstvodaǵylar indetti juqtyrý jaǵdailarynyń kóbi preparattyń tek bir ǵana dozasyn alýǵa úlgergender arasynda tirkelgenin atap ótti, iaǵni KVI-ge qarsy immýnitet áli tolyq qalyptaspaǵan.
Buǵan deiin vaktsina saldyrǵandar arasynda KVI juqtyrý jaǵdailary týraly jazǵan bolatynbyz. Mundai qubylystar jii bola bermeidi. Mysaly, AQSh-ta aýrýlardy baqylaý jáne aldyn alý ortalyǵynyń derekteri boiynsha biylǵy jyldyń 21 maýsymynda vaktsina alǵan adamdar arasynda indetti juqtyrýdyń 4 115 jaǵdaiy tirkelgen. Bul sol kezde egilgen adamdardyń jalpy sanynyń 0.002% quraidy.
Bul kórsetkishter vaktsinalardyń málimdelgen tiimdiligine sáikes keledi. Pfizer/BioNTech preparaty úshin ol 91%, Moderna – 94%, AstraZeneca – 74%, Spýtnik V – 92%, Sinofarm (Hayat-Vax) – 73% quraidy.
Qoryta aitqanda, qazaqstandyq gospitaldar COVID-19-ǵa qarsy egilgen, ólim aýzynda jatqan jáne jaǵdaiy aýyr naýqastarǵa toly bola almaidy. Elde indetti juqtyrǵan vaktsinatsiialanǵan adamdar sany óte az.
